چیئرمین پی سی بی پاکستان اور آئرلینڈ کے مابین ہونیوالے ٹیسٹ میچ کو دیکھنے کے لئے انگلینڈ روانہ

پیر 7 مئی 2018 20:19

لاہور۔07مئی(اُردو پوائنٹ اخبارتازہ ترین - اے پی پی۔ 07 مئی2018ء) پی سی بی کے چیئرمین نجم سیٹھی پاکستان اور آئرلینڈ کے مابین اگلے ہفتے شروع ہونے والے ٹیسٹ میچ کو دیکھنے کے لئے انگلینڈ روانہ ہوگئے ،پاکستان اور آئرلینڈ کے مابین تاریخی ٹیسٹ میچ 11 مئی سے شروع ہوگا،ٹیسٹ اسٹیٹس ملنے کے بعد آئرلینڈ کا پہلا ٹیسٹ ہے جو پاکستانی ٹیم کے ساتھ کھیلا جائیگا، چیئرمین پی سی بی انگلینڈ میں چند روز قیام کے بعد آئرلینڈ جائیں گے اور ڈبلن میں ہونے والے ٹیسٹ میں دیکھیں گے،نجم سیٹھی اپنے دورہ آئرلینڈ کے دوران وہاں کے کرکٹ حکام سے ملاقاتیں بھی کریں گے۔

(جاری ہے)

ذرائع کے مطابق پی سی بی چیئرمین ملاقات میں آئرلینڈ اور پاکستان کی باہمی سیریز پر بھی بات چیت کریں گے اور انہیں پاکستان آکر سیریز کھیلنے کی دعوت دی جائے گی۔نجم سیٹھی اپنے دورہ انگلینڈ و آئرلینڈ کے دوران پاک بھارت متنازع سیریز کیس پر وکلاء سے ملیں گے۔