باحیثیت جنرل سیکرٹری پارٹی پالیسی پر اعتر اض ہے، ہمیشہ جلد بازی میں فیصلے نقصان دہ ثابت ہوئے ،ڈاکٹر راجہ عامر زمان

ہارس ٹریڈنگ میں ملوث ایم پی ایز کے خلاف ثبوت ہیں تو منظر عام پر لائے جائیں تاکہ عوام بھی اصل حقیقت جان سکے غیرت کا تقاضا ہے جن ایم پی ایز پر ہارس ٹریڈنگ کے الزامات لگے ہیں اٴْنہیں پارٹی ٹکٹ پر الیکشن نہیں لڑنا چاہیے ٹکٹ سے محروم کیا گیا تو آپشن کھلے ہیں ،کئی پارٹیوں کی جانب سے ٹکٹ کی پیشکش کی گئی مگر آج بھی پارٹی کے ساتھ کھڑا ہوں ، نظر یاتی کارکن آج بھی میر ے ساتھ ہیں نئے آنے والوں کو پرانے ساتھیوں پر ترجیح دی گئی تو آمدہ الیکشن میں پارٹی کو بھاری نقصان اٴْٹھانا پڑے گا،سابق رکن قومی اسمبلی پی ٹی آئی

بدھ مئی 21:29

تربیلا غازی(اُردو پوائنٹ اخبارتازہ ترین۔ 09 مئی2018ء) پی ٹی آئی کے سابق رکن قومی اسمبلی و سینٹرل ایگزیکٹو کمیٹی کے ممبر ڈاکٹر راجہ عامر زمان نے کہا ہے کہ باحیثیت جنرل سیکرٹری پارٹی پالیسی پر اعتر اض ہے ہمیشہ جلد بازی میں کئے گئے فیصلے نقصان دہ ثابت ہوئے ہارس ٹریڈنگ میں ملوث ایم پی ایز کے خلاف ثبوت ہیں تو منظر عام پر لائے جائیں تاکہ عوام بھی اصل حقیقت جان سکے غیرت کا تقاضا ہے کہ جن ایم پی ایز پر ہارس ٹریڈنگ کے الزامات لگے ہیں اٴْنہیں پارٹی ٹکٹ پر الیکشن نہیں لڑنا چاہیے ہمیشہ اصولوں کی سیاست کی ہے پارٹی ٹکٹ کا اٴْمیدوار ہوں مگر بیان حلفی جمع نہیں کروائی پارٹی کے لئے قربانیاں دی گزشتہ پانچ سال سے مخا لفین کا ہر میدان میں ڈٹ کر مقابلہ کیا عدالتی جنگ میں سرخرو ہوا اور سیاسی میدان میں بھی مخالفین کو میدان سے بھاگنے پر مجبور کیا تحریک انصاف کے پلیٹ فارم سے تین الیکشن لڑے اور فیصلہ اٴْنیس بیس پر ہوا مشکل وقت میں پارٹی کے ساتھ چٹان بن کر کھڑا رہا ایک سو بیس دن کے دھرنے میں خود بھی شامل رہا اور حلقہ کے عوام کی شرکت بھی یقینی بنائی جانی اور مالی ہر قسم کی قربانی دی اگر ٹکٹ سے محروم کیا گیا تو آپشن کھلے ہیں کئی پارٹیوں کی جانب سے ٹکٹ کی پیشکش کی گئی مگر آج بھی پارٹی کے ساتھ کھڑا ہوں پارٹیاں بدلنا اور میدان چھوڑ نا ہماری روایت نہیں جن کی روایت ہے عوام اٴْن سے باخوبی آگاہ ہیں پارٹی کوضلع ہری پور میں ایک خاندان تک محدود کر نا کہا ں کی دانشمندی ہے نظر یاتی کارکن آج بھی میر ے ساتھ ہیں نئے آنے والوں کو پرانے ساتھیوں پر ترجیح دی گئی تو آمدہ الیکشن میں پارٹی کو بھاری نقصان اٴْٹھانا پڑے گا ان خیالات کا اظہار اُنہوں نے واپڈا تربیلا فٹ بال چمپین شپ کے کوارٹر فائنل میچ کے موقع پر تربیلا میں صحافیوںسے بات چیت کے دوران کیا ہے واپڈا تربیلا فٹ بال چمپین شپ کے تیسر ے کوارٹر فائنل میچ میں وسیم دادا فٹ بال کلب صوابی نے سیمی فائنل کے لئے کوالیفائی کر لیا اس موقع پر مہمان خصو صی سابق رکن قومی اسمبلی ڈاکٹر راجہ عامر زمان نے اپنی جانب سے فٹ بال کمیٹی کو بیس ہزار روپے نقد دئیے اور شاندار چمپین شپ کے انعقاد پر ٹورنامنٹ کمیٹی کو خراج تحسین پیش کیا ٹورنامنٹ کا فائنل سوموار کو ہو گا جس میں ونر ٹیم کو پچاس ہزار روپے اور رنر اپ ٹیم کو 30ہزار روپے دئیے جائیں گے۔