جوہری عدم پھیلاؤ سے متعلق پاکستان اپنے وعدوں پر قائم ہے،سیکرٹری خارجہ
جمعرات 10 مئی 2018 16:33
(جاری ہے)
مذکورہ کمیٹی غیر ریاستی عناصر کی جانب سے جوہری،حیاتیاتی یا کیمیائی ہتھیاروں کے حصول، ترسیل اور متعلقہ مواد کی روک تھام کیلئے سلامتی کونسل کی قرارداد کے نفاذ پر نظر رکھتی ہے۔اس سیمینار کا مقصد دنیا بھرمیں پاکستان کا ایکسپورٹ کنٹرول سسٹم متعارف کرانا اور اس سلسلے میں رائج عالمی طریقوں اور تجربات سے فائدہ اٹھانا تھا۔
تہمینہ جنجوعہ نے کہا کہ این ایس جی کی رکنیت کیلئے قائم شدہ اصولوں اور روایات سے ہٹ کر کسی ملک کو رعایت فراہم کرنا عالمی جوہری عدم پھیلاؤ کے مقصد کو نقصان پہنچائے گا۔ان کا مذکورہ بیان بھارت کے حوالے سے تھا جو پاکستان کیساتھ این ایس جی کی رکنیت کا طویل عرصے سے امیدوار ہے۔اس ضمن میں انہوں نے 2008 میں بھارت کو دی جانے والی رعایت کا ذکر کرتے ہوئے کہا کہ اس اقدام سے پڑوسی ملک کی جوہری صلاحیت میں اضافہ ہوا، اور انہوں نے بین البرِاعظم مار کرنے والے نئے بیلسٹک میزائل اور دیگر مہلک ہتھیار تیار کرنے شروع کردیے۔سیکریٹری خارجہ نے کہا کہ این ایس جی کو تجارتی اور سیاسی مقاصد کے تحت قائم گروپ کی طرح نہیں بلکہ اصولوں پر قائم تنظیم کی حیثیت سے کام کرنا چاہیے،تمام ممالک کی جانب سے حقیقی سماجی اور معاشی ضروریات کے پیشِ نظر،ٹیکنالوجی کے دوہرے استعمال کی رسائی میں دلچسپی رکھنا جائز ہے،پاکستان عالمی طور پر جوہری عدم پھیلاؤ کے معاہدے سے متعلق اپنے وعدوں میں سنجیدہ ہے۔انہوں نے کہا کہ ’ہم مختلف عالمی معاہدوں میں شامل فریق ریاست کی حیثیت سے اپنے فرائض پوری طرح ادا کررہے ہیں،جن میں کنونشن آف کیمیکل ویپن،کنونشن آف بائیولوجیکل ویپن،کنوشن آن دا فزیکل پروٹیکشن آف نیوکلیئر مٹیریئل اینڈ فیسیلیٹیز،نیوکلیئر سیفٹی کنونشن،اور آئی اے ای اے کوڈ آف کنڈکٹ آن دا سیفٹٰی اینڈ سیکیورٹی آف ریڈیو ایکٹو سورسز شامل ہیں‘۔واضح رہے کہ جوہری عدم پھیلاؤ کے معاہدے میں شمولیت کا یہ معاملہ این ایس جی کے جون میں متوقع اجلاس میں ایک مرتبہ پھر اٹھایا جائیگا۔این ایس جی اپنے فیصلے مشاورت سے کرتی ہے اور اس کے باوجود 2 سال سے اس مسئلے کے حل میں آنے والا تعطل دور کرنے میں ناکام ہے۔مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.