جنوبی کوریا نے دفاعی چیمپئن بھارت کو ہرا کر پانچویں ویمنز ایشین ہاکی چیمپئنز ٹرافی جیت لی

منگل 22 مئی 2018 16:50

سیئول۔ (اُردو پوائنٹ اخبارتازہ ترین - اے پی پی۔ 22 مئی2018ء) جنوبی کوریا نے دفاعی چیمپئن بھارت کو ہرا کر پانچویں ویمنز ایشین ہاکی چیمپئنز ٹرافی جیت لی۔

(جاری ہے)

کوریا میں منعقدہ ایونٹ میں کھیلے گئے فائنل میں میزبان جنوبی کوریا اور بھارت کی ویمن ٹیموں کے درمیان زبردست مقابلہ دیکھنے کو آیا تاہم اعصاب کی جنگ میں قسمت نے کوریا کا ساتھ دیا اور اس نے بھارت کو 1-0 گول سے ہرا کر ٹائٹل اپنے نام کیا، میچ کے 24ویں منٹ میں کورین کھلاڑی یانگ سل نے شاندار فیلڈ گول کر کے ٹیم کو برتری دلائی، بھارتی ٹیم نے حریف ٹیم کی برتری ختم کرنے کیلئے آخر دم تک بھرپور فائٹ کی لیکن کورین دفاع نے اسے کامیاب نہ ہونے دیا اور یانگ سل کا گول ہی فیصلہ کن ثابت ہوا، اسطرح کوریا نے بھارت کو 1-0 گول سے ہرا کر ویمنز ایشین چیمپئنز ٹرافی کا نیا چیمپئن بننے کا اعزاز حاصل کیا۔