محکمہ زراعت کی نئی ٹیکنالوجی ہائی ایفیشنشی ایریگیشن کے فروغ کیلئے کاشتکاروں کی معاونت جاری

بدھ 23 مئی 2018 17:29

لاہور۔23 مئی(اُردو پوائنٹ اخبارتازہ ترین - اے پی پی۔ 23 مئی2018ء) پنجاب میں نئی ٹیکنالوجی ہائی ایفی شنشی ایریگیشن کے فروغ کیلئے محکمہ زراعت پنجاب کاشتکاروں کی معاونت کر رہا ہے۔ پاکستان کا پانی کی کمی کے چیلنجز کا سامنا کرنے والے ممالک میں ساتواں نمبر ہے۔پاکستان میں دستیاب پانی کا 93 فیصد زرعی مقاصد جبکہ7 فیصد روزمرہ استعمال میں آتا ہے۔پاکستان ان ممالک میں سے ہے جہاں دستیاب پانی کا ایک ایک قطرہ بچانا از حد ضروری ہے۔

(جاری ہے)

ہائی ایفیشنشی ایریگیشن سسٹم کے استعمال سے یہ کام باآسانی کیا جا سکتا ہے۔اس سسٹم کی تنصیب سے سبزیات ،باغات اور دوسری فصلات کو فروغ دینے سے پانی کی60 فیصد بچت ہوتی ہے اور مزدوری کے خرچہ میں بھی خاطرخواہ کمی آتی ہے۔کاشتکار اس سہولت سے فائدہ اٹھانے کیلئے شعبہ اصلاحِ آبپاشی کے مقامی دفاتر سے رابطہ کر سکتے ہیں۔محکمہ زراعت کا یہ شعبہ کاشتکاروں کو سبسڈی پر سولر ٹیوب ویل بمعہ10 ہارس پاور کا پمپ فراہم کررہا ہے۔