پریانکا چوپڑا سلمان خان کی فلم ’’بھارت‘‘ کی عکسبندی جولائی میں شروع کریں گی

جمعہ 25 مئی 2018 11:00

ممبئی۔ (اُردو پوائنٹ اخبارتازہ ترین - اے پی پی۔ 25 مئی2018ء) بالی وڈا داکارہ پریانکا چوپڑا سلمان خان کی فلم ’’بھارت‘‘ کی عکسبندی جولائی میں شروع کریں گی۔

(جاری ہے)

بھارتی زرائع ابلاغ کے مطابق پریانکا چوپڑا ان دنوں ہالی وڈ سیریز ’’کوانٹیکوتھری‘‘ کی تشہیر اور یونیسیف کے کچھ کاموں میں مصروف ہیں جو جون کیآخر تک مکمل ہو جائیں گے جس کے بعد وہ جولائی میں سلمان خان کے ساتھ فلم ’’بھارت‘‘ کی عکسبندی شروع کریں گی، فلم کی کاسٹ میں تبو ، ڈیزی شا، سلمان کان اور پریانکا چوپڑا شامل ہیں۔ فلم کی کہانی ہسپانوی فلم ’’اوڈ ٹو مائی فادر‘‘ سے ماخوذ ہے۔ فلم کے ہدایتکار علی عباس ظفر ہیں۔ فلم آئندہ سال عید پر نمائش کے لئے پیش کی جائے گی۔