تحریک انصاف کی جانب سے نگراں وزیرعلی پنجاب کیلئے ناصر سعید کھوسہ کا نام واپس لیے جانے کی اصل وجہ سامنے آگئی
ناصر سعید کھوسہ کا نام عمران خان نے جہانگیر ترین کے مشورے پر تجویز کیا تھا، تاہم بعد ازاں شاہ محمود قریشی نے اپنے گروپ کے ہمراہ اس فیصلے کی شدید مخالفت کی جس پر تحریک انصاف کے سربراہ کو اپنا فیصلہ بدلنا پڑا
محمد علی بدھ 30 مئی 2018 19:45
(جاری ہے)
تاہم اب پنجاب حکومت ناصر سعید کھوسہ کو ہی نگراں وزیراعلی پنجاب بنانے پر بضد ہے۔
واضح رہے کہ بدھ کے روز پاکستان تحریک انصاف نے نگراں وزیراعلیٰ پنجاب کا نامزد کردہ نام واپس لے لیا،تحریک انصاف کی جانب سے سابق چیف سیکرٹری ناصرمحمود کھوسہ کانام دیا گیا تھا۔ میڈیا رپورٹس کے مطابق تحریک انصاف نے اپنے یوٹرن کی روایت برقرار رکھی۔تحریک انصاف نے اپنے ہی نامزد کردہ نگران وزیراعلیٰ پنجاب ناصر کھوسہ کا نام واپس لے لیا ہے۔ پی ٹی آئی نے ناصر محمود کھوسہ کے نام کو متنازع گردانتے ہوئے کہا کہ یہ ہمارا نام نہیں ہے۔ اپوزیشن لیڈرمیاں محمود الرشید نے کہا کہ نامزد نام پر پارٹی اور باہر سے مخالفت کی آوازیں آرہی تھیں۔نئے نام پارٹی مشاورت کے بعد آج ہی سامنے آجائیں گے۔ تحریک انصاف نے کامران رسول اور طارق کھوسہ کے ناموں پر مشاورت شروع کردی ہے۔انہوں نے کہا کہ تحریک انصاف کی جانب سے سابق چیف سیکرٹری ناصرمحمود کھوسہ کانام دیا گیا تھا،جلد بازی میں غلطی ہوگئی۔ اب ہم نام واپس لے رہے ہیں۔دوسری جانب وزیرقانون پنجاب رانا ثناء اللہ نے تحریک انصاف کی جانب سے نگراں وزیراعلیٰ پنجاب ناصرمحمود کھوسہ کا نام واپس لینے پر اپنے ردعمل میں کہا کہ تحریک انصاف نے نگران وزیراعلیٰ پنجاب ناصر محمود کھوسہ کی نامزدگی پر مذاق کیا ہے۔ نگراں وزیراعلیٰ پنجاب کی نامزدگی ایک آئینی و قانونی طریقہ کے تحت کی گئی ہے۔ جس کے باعث نگراں وزیراعلیٰ پنجاب کا نام واپس لینے کی اب کوئی گنجائش نہیں ہے۔انہوں نے کہا کہ تحریک انصاف اب جو مرضی کہتی رہے کہ ہم نے جلد بازی میں نامزدگی کردی یا جو کچھ مرضی کہے۔ اب نگراں وزیراعلیٰ پنجاب کی جس پرآئین کے تحت نامزدگی ہوئی ہے اسی طرح ان کی نامزدگی کا نوٹیفکیشن بھی جاری کیا جائے گا۔ انہوں نے کہا کہ پی ٹی آئی کے ساتھ اب نگراں وزیراعلیٰ پنجاب کے نام پر کوئی مشاورت یا نظر ثانی نہیں کی جائے گی۔وزیرقانون پنجاب رانا ثناء اللہ نے واضح کیا کہ یہ ممکن ہی نہیں ہے کہ اب نگراں وزیراعلیٰ کے نام پردوبارہ مشاورت کی جائے، یانام واپس لے لیا جائے۔ دوسری جانب سیاسی تجزیہ کار سلمان غنی کا نجی ٹی وی سے گفتگو میں کہنا ہے کہ نگراں وزیراعلیٰ پنجاب کیلئے ناصر کھوسہ کا نام تحریک انصاف نے خود تجویز کیا تھا۔ تحریک انصاف کے تجویز کردہ نام کی تائید ن لیگ کے قائد نوازشریف اور وزیراعلیٰ پنجاب شہباز شریف نے کی۔اب اگر نگراں وزیراعلیٰ پنجاب کے نام پرتحریک انصاف کو کوئی اعتراض ہے تو گیند پی ٹی آئی کی کورٹ میں ہے۔پی ٹی آئی نے پہلے خود نگراں وزیراعلیٰ پنجاب کے نام پراتفاق کیا پھر اب ناصر کھوسہ کی اہلیت پر سوالیہ نشان لگا دیا ہے۔جوکہ اچھی سیاسی روایت نہیں ہے۔انہوں نے کہاکہ پنجاب سب سے بڑا صوبہ ہے ،یہ اچھا سمجھا جارہا تھا کہ نگراں وزیراعلیٰ پنجاب کے نام پراتفاق رائے سامنے آیا تھا۔اپوزیشن لیڈر نے وزیراعلیٰ پنجاب کے ساتھ بیٹھ کراتفاق کیا۔جبکہ نگراں وزیراعلیٰ ناصر کھوسہ کے نام کی اپوزیشن لیڈر میاں محمود الرشید نے خو دمیڈیا کے سامنے آکر تائید بھی کی تھی۔اس سے پہلے پی ٹی آئی نے نگراں وزیراعلیٰ خیبرپختونخواہ کے نام پر اتفاق کیا ، جب پیپلزپارٹی اور ن لیگ نے تنقید کی توپی ٹی آئی منظور آفریدی کے نام سے بھی پیچھے ہٹ گئی۔پی ٹی آئی کی سیاسی نمبر گیم سمجھ سے باہر ہے۔دوسری جانب چیئرمین پی ٹی آئی عمراں خان کی زیرصدارت تحریک انصاف کی کور گروپ کا اجلاس ہوا۔ جس میں نگراں وزیراعلیٰ خیبرپختونخواہ اور نگراں وزیراعلیٰ پنجاب ناصر خان کھوسہ کے ناموں پر جائزہ لیا گیا۔مزید اہم خبریں
-
پنجاب حکومت کا اعلانات کے باوجود گندم خریدنے سے گریز‘کسانوں کے صبر کا پیمانہ لبریزہونے لگا
-
بھارتی انتخابات تیسرے مرحلے میں داخل:بی جے پی کا گڑھ سمجھے جانے 93 حلقوں میں پولنگ جاری ہے
-
جسٹس محسن اختر کیانی کا سوشل میڈیا مہم پر توہین عدالت کی کارروائی کیلئے خط
-
نواز شریف نے توشہ خانہ ریفرنس میں بریت کی درخواست دائر کردی، فریقین کو نوٹسز جاری
-
برطانیہ میں شہزاد اکبر پر تیزاب حملے کی تحقیقات بند
-
چیف جسٹس کی مدت طے کرنے کا مطالبہ بارز کی طرف سے آیاہے،رانا ثناءاللہ
-
اقوام متحدہ‘امریکا سمیت عالمی برادری کے انتباہ کے باوجود اسرائیل کا رفح پر ایک اور حملہ‘11فلسطینی شہید
-
بیرونی خلا میں ہتھیارو ں کی تنصیب روکنے کے لئے موثر اقدامات کئے جائیں، اقوام متحدہ میں پاکستان کے مستقل مندوب کا جنرل اسمبلی میں مباحثے کےد وران اظہار خیال
-
علی امین گنڈاپور نے عمران خان سے غداری کرکے یہ سیٹ لی، گورنر خیبر پختونخوا
-
وفاقی تعلیمی اداروں کی طالبات اورخواتین اساتذہ کیلئے مفت سفری سہولت فراہم کرنے کااعلان
-
احتساب عدالت کی جانب سے بیانات پر پابندی کے خلاف عمران خان نے اسلام آباد ہائی کورٹ میں درخواست دائرکردی
-
پاور ڈویژن نے کے الیکٹرک اور آزاد جموں و کشمیر کو سبسڈی کی ادائیگیوں کی مد میں 130 ارب روپے کا مطالبہ کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.