حافظ آباد، پولیس نے دو لاکھ سر کی قیمت والے خطرناک اشتہاری کو گرفتار کر لیا

جمعہ 1 جون 2018 19:26

حافظ آباد(اُردو پوائنٹ اخبارتازہ ترین - این این آئی۔ 01 جون2018ء) حافظ آباد پولیس نے دو لاکھ سر کی قیمت والے خطرناک اشتہاری کو گرفتار کر لیا۔ملزم ممتاز نے تیرہ سال قبل ایک ہی واردات میں پانچ افراد کو قتل کیا تھااور عرصہ تیرہ سال سے اشتہاری چلا آرہا تھا ۔

(جاری ہے)

تفصیلات کے مطابق خفیہ اداروں کی اطلاعات پر ڈی پی او ڈاکٹر سردار غیا ث گل کی خصوصی ہدایت پر ڈی ایس پی توصیف احمد اور ایس ایچ اور اعجاز بٹ کی سربراہی میں پولیس ٹیم نے کسوکی کے گائوں ٹھٹھہ بھون میں چھاپہ مار کر پانچ افراد کے قتل میں ملوث خطرناک اشتہاری ممتاز کو گرفتار کر لیا۔

پولیس ترجمان کے مطابق ملزم ممتاز نے 2005میں فیصل آباد کے علاقہ ستیانہ میں پانچ افراد کو قتل کیا تھا اور اس وقت سے اشتہاری چلا آرہا تھا ۔محکمہ پولیس کی جانب سے ملزم ممتاز کے سر کی قیمت بھی دو لاکھ روپے مقرر کیا گئی تھی۔ڈی پی او ڈاکٹر سردار غیاث گل نے پولیس ٹیم کی بہادری اور پیشہ وارانہ مہارتوں کو سراہتے ہوئے نقد انعام اور تعریفی سر ٹیفیکٹس سے نوازا ہے۔