حیدرآباد ،پولیس اور رینجرز کا مختلف علاقوں میں سرچ آپریشن، 18 سے زائد مشتبہ افراد کو حراست میں لے لیا

ہفتہ 2 جون 2018 23:05

حیدرآباد(اُردو پوائنٹ اخبارتازہ ترین - این این آئی۔ 02 جون2018ء) حیدرآباد پولیس اور رینجرز کا شہر کے مختلف ہوٹلوں گیسٹ ہائوسز اور کچی آبادی کے علاقوں میں سرچ آپریشن، 18 سے زائد مشتبہ افراد کو حراست میں لے کر تفتیش کے لئے نامعلوم مقام پر منتقل کر دیا گیا۔

(جاری ہے)

رمضان المبارک میں سیکورٹی خدشات کے پیش نظر حیدرآباد پولیس اور رینجرز نے شہر میں واقع ہوٹلوں گیسٹ ہائوسز مسافر خانوں سمیت مہران آئل مل کے قریب ریلوے ٹریک اور کچی آبادی اور حسین آباد پارک، دریا بند کی پٹی اور کچی آبادی دیگر علاقوں میں آپریشن کیا، اس دوران ہوٹلوں اور گیسٹ ہائوسز میںٹھہرے ہوئے مسافروں کے سامان کی تلاشی لی گئی اور ان کے شناختی کارڈ اور دیگر دستاویزات چیک کی گئیں، پولیس کے مطابق آپریشن کے دوران مختلف مقامات سے 18 سے زائد مشتبہ افراد کو حراست میں لے کر تفتیش کے لئے نامعلوم مقام پر منتقل کر دیا گیا ہے۔