پیر عطاء الرحمن خان نے انچارج واٹر ورکس کے عہدے کا چارج سنبھال لیا

منگل 5 جون 2018 21:53

سکھر۔ 5جون(اُردو پوائنٹ اخبارتازہ ترین - اے پی پی۔ 05 جون2018ء) پیر عطاء الرحمن خان نے انچارج واٹر ورکس کے عہدے کا چارج سنبھال لیا اور فرائض کی انجام دہی شروع کردی ۔ انہوں نے AEN واٹر ورکس اکرم عباسی، ٹیکنیکل انجینئر آغا جاوید اور واٹر سپلائی انچارج عاشق علی شیخ کے ہمراہ فیز I,II,III کا دورہ کیا اور پانی کی سپلائی کے نظام کا جائزہ لیا ۔

(جاری ہے)

انچارج واٹر ورکس نے تمام والووز مین کو ہدایت کی کہ والووز آپریشن کو مکمل فعال کیا جائے اور کسی بھی فیز سے پانی کی فراہمی میں تعطل نہیں آنا چاہئے ۔

اس موقع پر اے ای این اکرم عباسی نے بجلی وولٹیج کی کمی کے بارے میں آگاہ کرتے ہوئے بتایا کہ کم وولٹیج اور بجلی کی آنکھ مچلی کی وجہ سے شہر میں پانی کی سپلائی شدید متاثر ہورہی ہے ، انہوں نے نے کہا کہ بجلی کی لوڈ شیڈنگ کے دوران جنریٹرز چلا کر شہریوں کو پانی فراہم کیا جائے اور خراب جنریٹرز اور مشینری کی فوری طور پر مرمت کرائی جائے۔