عمران خان اور چیئرمین سینیٹ سمیت اہم شخصیات کلثوم نواز کی صحت کیلئے دعا

ہماری دعائیں بیگم کلثوم نواز کے ساتھ ہیں، اللہ تعالیٰ بیگم کلثوم کو صحت عطا کرے‘ عمران خان

جمعہ 15 جون 2018 12:38

عمران خان اور چیئرمین سینیٹ سمیت اہم شخصیات کلثوم نواز کی صحت کیلئے ..

اسلام آباد (اُردو پوائنٹ اخبارتازہ ترین - آئی این پی۔ 15 جون2018ء) چیئرمین پی ٹی آئی ، چیئرمین سینیٹ سمیت اہم سیاسی شخصیات نے بیگم کلثوم کی علالت پر گہری تشویش کا اظہار کرتے ہوئے ان کی جلد صحت یابی کے لئے دعا کی ہے۔تفصیلات کے مطابق سماجی رابطے کی ویب سائٹ ٹوئٹر پر اپنے پیغام میں عمران خان نے کہا کہ ہماری دعائیں بیگم کلثوم نواز کے ساتھ ہی، اللہ انہیں شفائے کاملہ عطا فرمائے۔

(جاری ہے)

چیرمین سینیٹ محمد صادق سنجرانی نے بھی بیگم کلثوم نوازکی علالت پر تشویش کا اظہار کرتے ہوئے ان کی جلد صحت یابی کے لئے دعا کی ہے۔پی ٹی آئی کے ترجمان فواد چوہدری نے بھی سماجی رابطے کی ویب سائٹ ٹویٹرپراپنے پیغام میں کہا کہ خدا بیگم کلثوم نواز کوصحت کاملہ عطا کرے، ترجمان پی ٹی آئی نے کہا کہ بیگم کلثوم نوازکی صحت اورزندگی کے لیے دعاگوہیں، عمران خان سمیت پارٹی قیادت کلثوم نوازکے لیے دعا کررہے ہیں۔