بلوچستان اسمبلی کے حلقہ پی بی 42خاران کی نشست پر28امیدواروں کے کاغذات نامزدگی منظور

سابق وزیرداخلہ بلوچستان میر شعیب احمد نوشیروانی اور بلوچستان نیشنل پارٹی کے رہنماء میر اکرم بلوچ کے کاغذات نامزدگی مستر د

منگل جون 19:50

کوئٹہ (اُردو پوائنٹ اخبارتازہ ترین۔ 19 جون2018ء) بلوچستان اسمبلی کے حلقہ پی بی 42خاران کی نشست پر28امیدواروں کے کاغذات نامزدگی منظور جبکہ بلوچستان عوامی پارٹی کے رہنماء سابق وزیرداخلہ بلوچستان میر شعیب احمد نوشیروانی اور بلوچستان نیشنل پارٹی کے رہنماء میر اکرم بلوچ کے کاغذات نامزدگی مستر د کردئیے گئے ،تفصیلات کے مطابق حلقہ پی بی 42خاران کے ریٹرنگ افسر محمد قاسم کاکٹر نے منگل کو خاران کی نشست پر جمع ہونے والی30امیدواروں کے کاغذات نامزدگی کی جانچ پڑتال کے بعد فیصلہ سناتے ہوئے 28امیدواروں کے کاغذات نامزدگی منظور کرلئے جبکہ بی این پی کے رہنماء سابق سینیٹر ثناء بلوچ کی جانب سے دائر کردہ بی اے پی کے رہنماء میر شعیب نوشیروانی کے کاغذات نامزدگی مسترد کر دئیے ثناء بلوچ نے موقف اختیار کیا تھا کہ میر شعیب نوشیروانی کے خلاف جعلی ڈگری کیس تاحال بلوچستان ہائی کورٹ میں زیر سماعت ہے جس کی بناء پر انکے کاغذات مسترد کئے گئے جبکہ بی این پی کے رہنماء اکرم بلوچ کے کاغذات نامزدگی بھی دہری شہریت کی بنیاد پر مستردکردئیے گئے،،حلقہ پی بی 42میں جن امیدواروں کے کاغذات نامزدگی منظور ہوئے ہیں ان میں سابق وفاقی وزیر لیفٹیننٹ جنرل(ر) عبدالقادر بلوچ،،سابق صوبائی وزرا میر عبدالکریم نوشیروانی،،ڈاکٹر سردار حسین بلوچ،،،ڈاکٹر اسحاق بلوچ،میر احمد نواز محمد حسنی، سردار عطاء اللہ دھہیانی ، میر اسماعیل پیرکزئی ،سردار جلیل سرگلزئی،احسان ملنگزئی، حافظ جمال ناصر،شیرباز ساسولی سمیت دیگر شامل ہیں