میرے کاغذات جان بوجھ کر مسترد کردئیے گئے ہیں میر محبت خان مری

بدھ 20 جون 2018 18:00

کوہلو(اُردو پوائنٹ اخبارتازہ ترین - این این آئی۔ 20 جون2018ء) کوہلو کے سیاسی و قبائلی رہنماء میر محبت خان مری نے کہا ہے کہ الیکشن میں پی بی9کوہلو سے میرے کاغذات مخالفین نے جان بوجھ کر مسترد کروادئیے ہیں میںگزشتہ سالوں سے الیکشن میں حصہ لے رہا ہوں سینٹر اور صوبائی وزیر کے منصب پر رہا ہوں میرے بھائی جسٹس نواز مری نے اس عدلیہ کے لئے اپنی جان قربان کردی ہے مگر آج میرے کاغذات مسترد کرنے پر مایوسی ہوئی ہے میں نے قلیل مدت میں کوہلو کے عوام کی خدمت کی ہے اس بات کے گواہ کوہلو کے لوگ ہیںکوہلو میں ڈیم ،پکی سڑکیں ،روزگار،امن و امان اور کوہلو کے غریب بچوں کو اعلیٰ سکولوں میں فری تعلیم سمیت دیگر بنیادی سہولیات کو یقینی بنایا ہے کچھ عرصے سے کوہلو میں بے روزگاری ،کرپشن میں اضافہ ہوا ہے عوامی مسائل جوں کے توں ہیں جس کی وجہ سے عوام شدید مایوس ہیں ۔