ملک میں بڑھتی بیروزگاری پر تشویش ضرور ہے مگر گھبرانے کی ضرورت نہیں ،عوام کی طاقت سے اقتدار میں آکر ملک کو مشکلات سے نکالیں گے،پیپلزپارٹی عوام کی پارٹی ،سیاست کا محور بھی عوام ہیں

پیپلزپارٹی پارلیمینٹرینز کے سربراہ اورسابق صدر آصف علی زرداری کا کیریو برادری کے اجتماع سے خطاب

بدھ 20 جون 2018 20:10

اسلام آباد(اُردو پوائنٹ اخبارتازہ ترین - آئی این پی۔ 20 جون2018ء) پیپلزپارٹی پارلیمینٹرینز کے سربراہ اورسابق صدر آصف علی زرداری نے کہا ہے پاکستان پیپلزپارٹی عوام کی پارٹی ہے اس کی سیاست کا محور بھی عوام ہیں ، غریب اور پیپلز پارٹی کا اٹوٹ رشتہ ہے، ملک میں بڑھتی ہوئی بیروزگاری پر تشویش ضرور ہے مگر گھبرانے کی ضرورت نہیں کیونکہ پیپلز پارٹی نے ہمیشہ نوجوان کو ملازمتیں دی ہیں۔

(جاری ہے)

آصف زرداری نے کہا عوام کی طاقت سے اقتدار میں آکر ملک اور عوام کو مشکلات سے نکالیں گے۔ بدھ کو زرداری ہاوس شہید بینظیر آباد میں عبدالستار کیریو کی زیر قیادت کیریو برادری کے اجتماع سے خطاب کرتے ہوئے آصف زرداری نے کہا کہ انتخابات جیتنے کے بعد ایک نئے دور کا آغاز ہوگا پیپلز پارٹی ملک کو ترقی کی راہ پر گامزن کریگی۔آصف زرداری نے کہا انہیں ملک میں بڑھتی ہوئی بیروزگاری پر تشویش ضرور ہے مگر گھبرانے کی ضرورت نہیں کیونکہ پیپلز پارٹی نے ہمیشہ نوجوان کو ملازمتیں دی ہیں۔ آصف زرداری نے کہا عوام کی طاقت سے اقتدار میں آکر ملک اور عوام کو مشکلات سے نکالیں گے۔