شریف فیملی کیلئے اچھی خبر ،بیگم کلثوم نواز نے ایک ماہ کے بعد آنکھیں کھول دیں

،حسین نواز اور مریم نواز نے اپنی والد ہ کی صحت میں بہتری کی تصدیق کردی ، دعائوں کی تبدیلی کے مثبت اثرات آئے ہیں، والدہ کی حالت میں بہتری آئی ہے لیکن وہ ابھی بات کرنے کے مرحلے پر نہیں آئیں،حسین نواز

جمعرات 12 جولائی 2018 18:29

شریف فیملی کیلئے اچھی خبر ،بیگم کلثوم نواز نے ایک ماہ کے بعد آنکھیں ..

لندن(اُردو پوائنٹ اخبارتازہ ترین - آئی این پی۔ 12 جولائی2018ء) سابق وزیراعظم نواز شریف کے صاحبزادے حسین نواز نے کہا کہ میری والدہ نے آج ایک مہینے بعد آنکھیں کھولی ہیں، دعائوں کی تبدیلی کے مثبت اثرات آئے ہیں، والدہ کی حالت میں بہتری آئی ہے لیکن وہ ابھی بات کرنے کے مرحلے پر نہیں آئیں۔

(جاری ہے)

جمعرات کو میڈیا سے گفتگو کرتے ہوئے حسین نواز نے کہا کہ میری والدہ کو دعائوں کی ضرورت ہے، آج میری والدہ نے آنکھیں کھولی ہیں، کافی دنوں سے دوائوں میں تبدیلی کی جارہی تھی، انہوں نے آج ایک مہینے بعد آنکھیں کھولی ہیں، وہ ابھی بے ہوشی میں ہیں صرف آنکھیں جھپکی ہیں والدہ کی حالت میں بہتری آئی ہے، دعائوں کی تبدیلی کے مثبت اثرات آئے ہیں۔

کوئی ڈاکٹر شفا کی ضمانت نہیں دے سکتا، ڈاکٹر کا کام دوائی دینا ہے شفا اللہ کے ہاتھ میں ہے، کافی دیر سے سینٹی لیٹر کی سیٹنگ کو کم کرنے کی کوشش کررہے تھے ، ہم ڈاکٹر کی ایڈوائس کے بعد باہر آگئے ہیں، والدہ ابھی بات کرنے کے مرحلے پر نہیں آئیں۔