چیف الیکشن کمشنر کی زیر صدارت اجلاس،
نیکٹا کوارڈنیٹر کی امیدواروں کو سیکیورٹی خدشات، ملک میں سیکیورٹی کی مجموعی صورتحال پر بریفنگ انتخابی عمل ہر حال میں جاری رہیگا، عوام کو مایوسی سے نکلنا چاہئے ،سیاسی جاعتیں آپس میں روابط ،مقامی سطح پر انتظامیہ کیساتھ کوارڈنیشن ،معلومات کا تبادلہ بہتر بنائیں،انتخابات کو پرامن بنانے کیلئے آپس میں تعاون جاری رکھیں،الیکشن کمیشن انتخابات 25 جولائی کو ہی ہونگے، کوئی سنجیدہ خطرہ نہیں ،سیکیورٹی خدشات سے متعلق الرٹس باقاعدہ صوبائی حکومتوں کو بھجوائے جاتے ہیں، ڈاکٹر محمد سلیمان
ہفتہ 14 جولائی 2018 19:06
(جاری ہے)
اجلاس میں ملک میں تازہ دہشت گرد حملوں کی پرزور مذمت کی گئی اورمستونگ کے متاثرہ خاندانوں کیساتھ اظہار افسوس کیا گیا ۔
اس موقع پر ملک میں مختلف سیاسی شخصیات اور مقامات پر سیکیورٹی خدشات کے حوالے سے تبادلہ خیال کیا گیا۔نیکٹا کوارڈنیٹر کی جانب سے تفصیلی بریفنگ کے بعد الیکشن کمیشن نے متفقہ طور پراس عزم کا اظہار کیا کہ انتخابی عمل ہر حال میں جاری رہے گا۔ اس سلسلے میں عوام کو کسی بھی مایوسی سے نکلنا چاہیے۔الیکشن کمیشن نے انتخابی عمل کے اس قومی فریضے کواحسن طریقے سے سرانجام دینے کیلئے تمام اداروں کو باہمی روابط اور تعاون بڑھانے پر زور دیا اور اداروں کو مل کرکام کرنے کا مشورہ دیا۔الیکشن کمیشن نے کہا کہ تمام سیاسی پارٹیاں آپس میں روابط اور مقامی سطح پر انتظامیہ کے ساتھ کوارڈنیشن اور معلومات کا تبادلہ فوری اور بہتر بنائیں۔الیکشن کمیشن نے صوبائی حکومتوں کو بھی ہدایات جاری کیں کہ اداروں کیساتھ مل کر سیکیورٹی صورتحال کا باریکی سے جائزہ لے کر لائحہ عمل اختیار کیا جائے۔ انتخابات کو پرامن بنانے کیلئے تمام عوام اور سیاسی پارٹیاں آپس میں تعاون جاری رکھیں۔ آخر میں نیکٹا کو ہدایت کی گئی کہ الیکشن کمیشن کو تازہ ترین تجزیوں سے مسلسل آگاہ رکھیں۔اجلاس کے بعد میڈیا سے گفتگو کرتے ہوئے نیکٹا کوآرڈنیٹر ڈاکٹر محمد سلیمان خان نے کہا کہ عام انتخابات 2018 کو کوئی سنجیدہ خطرہ نہیں ہے، عام انتخابات 25 جولائی کو ہی ہونگے۔ انہوں نے کہا کہ عام انتخابات کو پرامن بنانے کیلئے کوششیں کررہے ہیں، سیکیورٹی خدشات سے متعلق الرٹس باقاعدہ صوبائی حکومتوں کو بھجوائے جاتے ہیں۔ان سے پوچھا گیا کہ کتنے امیدواروں اور سیاسی رہنمائوں کو سیکیورٹی خطرات ہیںتو انہوں نے اس کا جواب دینے سے گریز کیا۔مزید اہم خبریں
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
بانی پی ٹی آئی فوجی قیادت کے ساتھ مذاکرات چاہتے لیکن کوئی جواب نہیں آیا
-
ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے
-
اسلام آباد ہائیکورٹ کے ججز کے خط پر فل کورٹ کی تشکیل سے گریز،عدالتی امور میں انٹیلیجنس ایجنسیوں کی مداخلت کے حوالے سے چیف جسٹس آف پاکستان کا بیان
-
پاکستان کی ترقی کے سفر میں رخنہ ڈالنے والوں کی تمام کوششیں ناکام ہوں گی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.