ملک میں پانی کی قلت کے پیش نظر قومی آبی پالیسی پر عمل درآمد کیلئے رہنما اصولوں کا مسودہ ضروری ہے، وزیر آبی وسائل

جمعرات 19 جولائی 2018 00:20

اسلام آباد (اُردو پوائنٹ اخبارتازہ ترین - آئی این پی۔ 19 جولائی2018ء) آبی وسائل کے نگران وفاقی وزیر نے کہا ہے کہ ملک میں پانی کی قلت کے پیش نظر قومی آبی پالیسی پر عمل درآمد کیلئے رہنما اصولوں کا مسودہ جا ری کرنا ضروری ہے ۔ وہ بدھ کو یہاں قومی آبی ٹاسک فورس کے پہلے اجلاس سے خطاب کررہے تھے ۔انہوں نے تمام ماہرین کوپانی کے مسائل کے حل کیلئے بہترین تجاویز لانے کی ہدایت کی۔

(جاری ہے)

یہ مشاورتی اجلاس قومی آبی پالیسی کے اقدامات کے جلد عمل درآمد کیلئے منعقد ہوا۔ قومی ٹاسک فورس کے چیئرمین ڈاکٹر شہباز خان نے وفاقی وزیر کو منصوبے کے اہم نکات سے آگاہ کیا ۔ انہوں نے نشاندہی کی کہ ڈیم کی اشد ضرورت ہے لیکن صرف پانی کے ذخائر کو بڑھانے سے یہ مسئلہ حل نہیں ہوگا ۔ بڑے پیمانے پر پانی کے ضرر پر تجزے کی ضرورت ہے ۔وفاقی وزیر نے وسیع پیمانے پر قومی ٹاسک فورس کے قیام کیلئے ہدایات دیں ۔ اجلاس میں آبی شعبے سے متعلقہ اعلی سطحی حکومتی عہدیداران اور تعلیمی اداروں کے ماہرین نے شرکت کی ۔