امیدوار پولنگ ڈے سے 48گھنٹے قبل انتخابی مہم روک دیں،ڈسٹرکٹ مانیٹرنگ آفیسر

اتوار 22 جولائی 2018 13:30

فیصل آباد۔22جولائی(اُردو پوائنٹ اخبارتازہ ترین - اے پی پی۔ 22 جولائی2018ء) ڈسٹرکٹ مانیٹرنگ آفیسروڈپٹی کمشنر فیصل ۱ٓباد سید احمد فواد نے الیکشن مہم کے ضابطہ اخلاق کی خلاف ورزیوں پر شوکاز نوٹسز کی سماعت کرتے ہوئے آئندہ محتاط رہنے کی یقین دہانی پر حلقہ این اے 109سے امیدوار میاں عبدالمنان اورحلقہ پی پی 110سے امیدوار محمدنواز ملک کو وارننگ جاری اور تاکید کی کہ آئندہ ضابطہ اخلاق کی خلاف ورزی کو نہ دہرایاجائے۔

(جاری ہے)

انہوں نے یاد دہانی کرائی کہ تمام امیدوار پولنگ ڈے سے 48گھنٹے قبل انتخابی مہم روک دیں اور انتخابات کے روز پولنگ اسٹیشنز پر بھی ضابطہ اخلاق کی پابندی کویقینی بنایا جائے۔