جیالے پولنگ اسٹیشنوں پر پہرہ دیں قربانیاں دینے والے کارکن پارٹی کے ہیرو ہیں، آصف زرداری

پیر 23 جولائی 2018 19:18

اسلام آباد(اُردو پوائنٹ اخبارتازہ ترین - آن لائن۔ 23 جولائی2018ء) سابق صدر آصف علی زرداری نے کا رکنوں کو ہدایت کرتے ہوئے کہا ہے کہ جیالے پولنگ اسٹیشنوں پر پہرہ دیں قربانیاں دینے والے کارکن پارٹی کے ہیرو ہیں پیر کے روز اپنے جاری بیان میں پیپلزپارٹی کے شریک چیئرمین آصف علی زرداری نے انتخابی مہم کے دوران پارٹی کارکنوں پر حملوں کی مذمت کرتے ہوئے کہا کہ پارٹی کارکن یاسر کھلواڑ کی شہادت پر افسو ہوا ہے اللہ پاک اس کی مغفرت فرمائیں انہوں نے کہا کہ پیپلزپارٹی کے مخالفوں کو شکست نظر آرہی ہے حکومت پیپلزپارٹی کے کارکنوں پر حملے کرنے والوں کو گرفتار کریں مہم انشاء اللہ انتخابات میں ووٹ کے ذریعے مخالفین کو شکست سے دو چار کریں گے انہوں نے کہا کہ پارٹی کے لیے جان قربان کرنیوالے اصل ہیرو ہیں جیالے صبر کا دامن کبھی بھی ہاتھ سے نہ چھوڑیں