اسلام آباد ہائی کورٹ نے لاپتہ افراد سے متعلق کیس کی سماعت کے دوران حساس اداروں کے خلاف عدالتی حکم میں دی گئی آبزرویشن حذف کر دی

جمعرات 2 اگست 2018 16:46

اسلام آباد(اُردو پوائنٹ اخبارتازہ ترین - این این آئی۔ 02 اگست2018ء) اسلام آباد ہائیکورٹ نے جسٹس شوکت صدیقی کی جانب سے لاپتہ افراد سے متعلق کیس کی سماعت کے دوران حساس اداروں کے خلاف عدالتی حکم میں دی گئی آبزرویشن حذف کر دی گئی ہے ۔جمعرات کو عدالتی حکم پر ایڈوکیٹ جنرل طارق محمود جہانگیری پیش ہوئے اور کہا کہ رجسٹرار آفس نے بتایا ہے کسی بھی بنچ کی تشکیل کیلئے کوئی دبائونہیں ہے۔

(جاری ہے)

ایڈوکیٹ جنرل نے کہا کہ چیف جسٹس اسلام آباد ہائیکورٹ نے بھی بنچ کی تشکیل میں کسی دبائوکے تاثر کو رد کیا ہے۔ عدالت کے جسٹس عامر فاروق اور جسٹس میاں گل حسن اورنگزیب نے درخواست منظور کرتے عدالتی حکم سے جسٹس صدیقی کی آبزرویشن عدالتی حکم سے حذف کر دی ہے۔واضح رہے کہ جسٹس شوکت عزیز صدیقی نے یہ فیصلہ 18جولائی کو دیا تھا جس میں حساس ادارے سمیت دیگر اداروں پر مداخلت کے الزامات عائد کئے تھے۔