ڈاکٹر سمیرا شمس کو خیبرپختونخوا کی کم عمر ترین ایم پی اے کا اعزاز

26 سالہ سمیرا خواتین کے مسائل حل کرنے کیلئے پرعزم، زندگی کا ایک ہی مقصد ہ وہ ہے پسماندہ اضلاع میں خواتین کیلئے یونیورسٹیاں قائم کرنا،ڈاکٹر سمیرا شمس

ہفتہ 4 اگست 2018 15:40

پشاور (اُردو پوائنٹ اخبارتازہ ترین - آن لائن۔ 04 اگست2018ء) پاکستان تحریک انصاف کی ڈاکٹر سمیرا شمس کو خیبرپختونخوا کی کم عمر ترین ایم پی اے کا اعزاز حاصل ہوگیا، 26 سال کی سمیرا شمس خواتین کے مسائل حل کرنے کیلئے پرعزم ہیں۔خیبرپختونخوا کے دورافتادہ اور پسماند ضلع لوئر دیر سے تعلق رکھنے والی ڈاکٹر سمیر شمس کو تمام مشکلات کے باوجود کے پی اسمبلی کی کم عمر ترین ایم پی اے بننے کا اعزاز حاصل ہوگیا۔

(جاری ہے)

طب کے پیشے سے وابستہ تحریک انصاف سے تعلق رکھنے والی ڈاکٹر سمیرا شمس حالیہ ممبران میں سب سے کم عمرہوں گی۔ڈاکٹر سمیرا شمس کی اپنے والد کے برعکس تمام تر وفاداریاں پاکستان تحریک انصاف سے ہیں جو ان کی وفات کے بعد 9 سال قبل انصاف یوتھ ونگ سے وابستہ ہوگئی تھیں۔ دلچسپ بات یہ ہے کہ سمیر شمس کا تعلق اگرچہ شعبہ طب سے ہے لیکن وہ امور نوجوانان میں زیادہ تجربہ اور لگاؤ رکھتی ہیں۔ڈاکٹر سمیرا شمس کا کہنا ہے کہ ان کی زندگی کا ایک ہی مقصد ہے اور وہ ہے صوبے کے پسماندہ اضلاع میں خواتین کیلئے یونیورسٹیاں قائم کرنا۔