دنیا کا سب سے مہنگا بیف نوڈل سوپ، جس کے 4 اجزا آسمان، 4 اجزا زمین اور 4 اجزا سمندر سے حاصل کیے جاتے ہیں
امین اکبر جمعہ 10 اگست 2018 23:49
ہاؤزونگہاؤ بیف نوڈل سوپ کونیو جنگٹیان ریسٹورنٹ میں فروخت کیا جا رہا ہے۔ چینی سوشل میڈیا پر اس سوپ کے کافی چرچے ہوگئے ہیں۔ اس سے پہلے تائیوان میں نیو با با ریسٹورنٹ میں فروخت کیا جانے والا بیف نوڈل سوپ کی دنیا کا مہنگا ترین بیف نوڈل سوپ سمجھا جاتا تھا، جس کی قیمت 329 ڈالر تھی۔
مقامی میڈیا نے جب ریسٹورنٹ میں جا کر پوچھا کہ یہ سوپ اتنا زیادہ مہنگا کیوں ہے تو یان نامی منیجر نے اس بارے میں زیادہ معلومات فراہم نہیں کیں۔ منیجر نے بتایا کہ اس سوپ میں 12 بہت مہنگے اجزا استعمال کیے جاتے ہیں۔
(جاری ہے)
ان میں سے 4 اجزا ”آسمان“ سے، 4 اجزا ”زمین“ سے اور 4 اجزا ”سمندر“ سے حاصل کیے جاتے ہیں۔ یان نے ان اجزا کی تفصیل بتانے سے انکار کر دیا۔
یان کا کہنا ہے کہ اس سوپ کو 12 باورچی بناتے ہیں اور اس سوپ کا آرڈر ایک مہینے پہلے دیا جاتا ہے تاکہ تمام اجزا سے سوپ بنانے کا عمل شروع کیا جائے۔ یان کا کہنا ہے کہ اس سوپ کو 6 ماہ پہلے مینو میں شامل کیا گیا ہے اور اب تک شہر کے امیرترین کاروباری افراد کو اس کے 4 پیالے ہی فروخت کیے گئے ہیں۔یان نے گاہکوں کو دھوکہ دینے کے الزامات کے جواب میں کہا کہ اس سوپ کے اجزا کی لاگت اتنی زیادہ اور پکانے کا عمل اتنا مشکل ہے کہ انہیں سوپ فروخت کرنے سے کچھ زیادہ فائدہ نہیں ہوتا۔
سوشل میڈیا پر جب اس ریسٹورنٹ کے مینو کی تصویر سامنے آئی تو صآرفین نے اسے مذاق اور ٹائپنگ کی ایک غلطی سمجھے لیکن سن چیو ڈیلی اور دیگر مقامی میڈیا نے ریسٹورنٹ کا دورہ کرنے کے بعد بتایا کہ یہ قیمت حقیقی ہیں۔
چینی سوشل میڈیا پر جہاں کچھ لوگ سوپ کے گائے سے مہنگا ہونے پر مذاق اڑا رہے ہیں تو کچھ لوگ اسے ریسٹورنٹ کی تشہیر کا ذریعہ قرار دے رہے ہیں۔ کچھ لوگوں نے سرکاری طور پر اس سوپ کے مہنگا ہونے کی شکایت کی ہے لیکن حکام کا کہنا ہے کہ سوپ کی قیمت گاہکوں کو واضح طور پر بتائی جا رہی ہے، اس میں کچھ بھی غیر قانونی نہیں ہے، اس لیے سرکاری حکام اس میں مداخلت نہیں کر سکتے۔
متعلقہ عنوان :
مزید عجیب و غریب خبریں
-
ہتھیائی رقم ہڑپ کرنے کیلئے اپنے اغواء اور قتل کا ڈرامہ رچانے والا شخص پکڑا گیا
-
ویتنام،مریض کے پیٹ سے زندہ مچھلی برآمد
-
امریکہ، چوہوں کا پولیس ہیڈ کوارٹر پردھاوا، بھنگ کھانے کے عادی ہوگئے
-
آسٹریلیا، گالف گیم کے دوران کینگروز کے بڑے جھنڈ نے دھاوا بول دیا
-
جرمن باشندے نے کورونا ویکسین 217 بارلی
-
ایلون مسک پیچھے رہ گئے‘ ایمازون کے بانی جیف بیزوز دنیا کے امیر ترین شخص قرار
-
کھلونا گاڑی کی تیز رفتاری کا عالمی ریکارڈ قائم
-
وصیت کے مطابق تدفین سے قبل پروفیسر کی لاش کا اردن یونیورسٹی کا طواف
-
دبئی ایئرپورٹ پر کاسمیٹک سرجری والے مسافروں کو روکا جانے لگا
-
دنیا کے سب سے بڑے ڈینٹل ہسپتال کا ورلڈ ریکارڈ سعودی عرب کے نام
-
سعودی عرب میں بنی جدید ترین سکیورٹی کار نمائش کیلئے پیش
-
ہالی ووڈ لیجنڈ رابرٹ ڈی نیرو کے 80 سال کی عمر میں باپ بننے کی تصدیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.