"عید الاضحی کی آمد" ، چاقو ، چھریاں ، ٹوکے اور قربانی کے جانوروں کو ذبح کرنے والے دیگر آلات تیز کرنے والوں نے بھی مزدوری میں اضافہ کر دیا

اتوار 19 اگست 2018 16:00

فیصل آباد۔19 اگست(اُردو پوائنٹ اخبارتازہ ترین - اے پی پی۔ 19 اگست2018ء) عید الاضحی کی آمد قریب آتے ہی عوام الناس سمیت قصابوں اور قربانی کے جانور زبح کرنے والے دیگر افراد نے جانوروں کے مذبحہ کیلئے چاقو، چھریاں، ٹوکے اور دیگر آلات تیز کروانے شروع کر دیئے ہیں جس کے باعث چاقو چھریاں تیز کرنے والوں کے پاس زبر دست رش دیکھنے میں آ رہا ہے ۔

(جاری ہے)

دوسری جانب چاقو چھریاں تیز کرنے والے دکانداروں نے بھی اپنے نرخوں میں اضافہ کر دیا ہے۔ ان کا کہنا ہے کہ چونکہ وہ بجلی کی موٹر کے ذریعے آلات تیز کرتے ہیں اور بجلی کی قیمتوں میںا ضافہ سمیت رگڑائی کرنے والے میٹریل کی قیمتوں میں بھی اضافہ ہو چکا ہے لہٰذ ا وہ گاہکوں سے زائد نرخ وصول کرنے پر مجبور ہیں۔