کراچی: پاک کالونی میں پولیس کی کارروائی، ایم کیو ایم لندن کا کارکن گرفتار

ملزم احمد ذکریا قتل کی متعدد وارداتوں میں ملوث ہے ،چرس اور اسلحہ بھی برآمد کرلیا گیا ،پولیس

منگل 18 ستمبر 2018 16:23

کراچی: پاک کالونی میں پولیس کی کارروائی، ایم کیو ایم لندن کا کارکن گرفتار

کراچی (اُردو پوائنٹ اخبارتازہ ترین - این این آئی۔ 18 ستمبر2018ء) کراچی میں پولیس نے کارروائی کر کے ایم کیو ایم لندن کے کارکن کو گرفتار کر لیا ہے۔ ملزم سے اسلحہ اور منشیات برآمد کی گئی ہے۔تفصیلات کے مطابق کراچی کے علاقے پاک کالونی میں پولیس نے کارروائی کے دوران ایم کیو ایم لندن کے کارکن کو حراست میں لیا ہے۔

(جاری ہے)

پولیس کے مطابق ملزم کی شناخت احمد زکریا کے نام سے ہوئی ہی. جس کے قبضے سے چرس اور اسلحہ بھی برآمد کیا گیا ہے۔

پولیس کے مطابق احمد زکریا قتل کی متعدد وارداتوں میں ملوث ہے۔دوسری جانب کراچی کے علاقے ناظم آباداور کھوکھراپار میں پولیس نے کارروائی کر کے دس جواری سمیت بارہ ملزمان کوگرفتار کر لیا ہے۔ملزمان کے قبضے سے اسلحہ،مسروقہ موٹرسائیکل اور نقدی برامد کی گئی ہے۔ پولیس نے ملزمان کے خلاف مقدمات درج کرکے تحقیقات کا آغاز کر دیا گیا ہے۔