خشک سالی کے باعث پیدوارمیں کمی،

بیلجیئم میں چپس کا سائز کم کردیاگیا کم بارش کی وجہ سے فصل 25 فیصد کم ہوئی ، ہم چھوٹے چپس کھائیں گے،ایسوسی ایشن

بدھ 19 ستمبر 2018 13:10

برسلز(اُردو پوائنٹ اخبارتازہ ترین - این این آئی۔ 19 ستمبر2018ء) بیلجیم میں آلو کی'فرائز یا چپس کی لمبائی اب نارمل سائز سے تین سینٹی میٹر کم ہو گئی ہے۔امریکی ٹی وی کیمطابق ملک میں آلو کی فصل کی پیداوار سے متعلق ایسوسی ایشن کے سربراہ پیری لیبرن کا کہنا تھاکہ کم بارش کی وجہ سے فصل 25 فیصد کم ہوئی ہے۔انھوں نے بتایا کہ اس وقت آلو سائز میںچھوٹے ہیں، ہم چھوٹے چپس کھائیں گے۔

فرائز بیلجیم میں روایتی ڈش ہے جسے مائیونیز کے ساتھ کھایا جاتا ہے۔

(جاری ہے)

لیبرن کا کہنا تھا کہ خشک سالی کی وجہ سے کسانوں کے لیے کام کرنا بہت مشکل ہو گیا ہے۔جنوبی انگلینڈ، نیدرلینڈ، فرانس اور مغربی جرمنی میں بھی یہی صورتحال نظر آرہی ہے۔ملک میں آلو کی کاشت کرنے والے سب سے بڑے ادارے یدان میں تباہی کی صورتحال ہے کسان کچھ کاشت نہیں کر پا رہے۔ ہم نے 30 فیصد گھاٹا ریکارڈ کیا ہے۔بیلجیئم کے لوگوں نے 1680 میں اس وقت اپنی مرغن غذا فرائیڈ فش کے بجائے آلو کے فرائز کھانے شروع کیے جب دریائے موز کا پانی شدید ٹھنڈ کی وجہ سے جم گیا تھا۔