مکہ میں آوارہ اونٹ نے تباہی مچا دی، لاشوں کا ڈھیر لگ گیا

سعودی عرب ،مکہ میں آوارہ اونٹ کے سبب سنگین حادثہ میں 4 افراد جاں بحق، 6 زخمی

اتوار 23 ستمبر 2018 10:50

مکہ میں آوارہ اونٹ نے تباہی مچا دی، لاشوں کا ڈھیر لگ گیا

مکہ مکرمہ ۔ (اُردو پوائنٹ اخبارتازہ ترین - اے پی پی۔ 23 ستمبر2018ء) سعودی عرب کے مقدس شہر مکہ کی شاہراہ پر آوارہ اونٹ کے سبب سنگین حادثے میں 4افراد جاں بحق اور 6 زخمی ہو گئے۔ حادثہ اللیث ، غمیقہ شاہراہ پر پیش آیا۔ عاجل ویب نیوز کے مطابق حادثے میں 3 گاڑیاں ٹکرا گئیں۔

(جاری ہے)

حادثہ شاہراہ پر آجانے والے اونٹ کی وجہ سے پیش آیا جس میں ایک تیز رفتار گاڑی شاہراہ پر نکل آنے والے اونٹ سے ٹکرا گئی اسی اثناء ٹکرانے والی گاڑی کے پیچھے آنے والی دو اور گاڑیاں اس سے ٹکرا گئیں جس کے نتیجے میں 4افراد موقع پر ہی جاں بحق ہو گئے جبکہ 6 زخمی ہوئے۔ شہری دفاع کے ترجمان کا کہنا ہے کہ زخمی ہونے والوں میں خواتین اور بچے بھی شامل ہیں جنہیں مختلف نوعیت کے زخم آئے ہیں۔