شمالی کوریائی لیڈر سے ملاقات کے لیے تیار ہوں، جاپانی وزیراعظم

بدھ 26 ستمبر 2018 14:51

ٹوکیو ۔ (اُردو پوائنٹ اخبارتازہ ترین - اے پی پی۔ 26 ستمبر2018ء) جاپان کے وزیراعظم شینزو آبے نے کہا ہے کہ وہ خطے میں امن و سلامتی کی فضا قائم کرنے کے لیے شمالی کوریا کے لیڈر کِم جونگ اٴْن کے ساتھ ملاقات کے لیے رضامند ہیں۔

(جاری ہے)

بین الاقوامی زرائع ابلاغ کے مطابق آبے نے واضح کیا کہ شمالی کوریائی لیڈر کے ساتھ ملاقات میں ان کا مقصد ایسے جاپانی شہریوں کی بازیابی یا معلومات کا حصول ہے جنہیں شمالی کوریا نے اغوا کر لیا تھا۔ انہوں نے اس کا اعتراف کیا کہ ابھی تک شمالی کوریا کے رہنما کے ساتھ ملاقات کی کوئی صورت پیدا نہیں ہو سکی ہے لیکن اس حوالے سے رابطہ کاری جاری ہے۔ جاپانی وزیراعظم نے شمالی کوریا کے حوالے سے اِن خیالات کا اظہار اقوام متحدہ کی جنرل اسمبلی میں کیا۔