علاقائی خطرات سے نمٹنے کے لئے جامع حکمت عملی اختیار کرنے کی ضرورت ہے: متحدہ عرب امارات
اتوار 30 ستمبر 2018 17:00
نیو یارک (اُردوپوائنٹ اخبارتازہ ترین / وام / اتوار ستمبر ) متحدہ عرب امارات نے خطے میں موجود خطرات کی مختلف صورتوں سے نمٹنے کے لئے ایک جامع حکمت عملی اختیار کرنے کی ضرورت پر زور دیا ہے.
یہ بات خارجہ اموراور بین الاقوامی تعاون کے وزیرشیخ عبداللہ بن زاید آل نھیان نے نیویارک میں اقوام متحدہ کی جنرل اسمبلی کے 73 ویں اجلاس سے اپنے خطاب میں کہی، شیخ عبداللہ نے کہا کہ خطے کو چار چیلنجوں کا سامنا ہے: سب سے پہلے عرب دنیا میں، خاص طور پر ایران کی جانب سے بیرونی مداخلت ہے، جو" انتہائی غیر معمولی سطح تک پہنچ گئی ہے۔
(جاری ہے)
انہوں نے کہا کہ دوسرا چیلنج جسکا سامنا خطے کو ہے وہ انتہا پسندی اور دہشتگردی کا فروغ ہے ، انتہا پسند اور دہشت گرد گروہ جدید ٹیکنالوجی کے استعمال سے اپنے خطرناک نظریات کو فروغ دے رہے ہیں.
شیخ عبداللہ نے کہا کہ تیسرا چیلنج علاقے میں طویل عرصے سے جاری بحران ہیں، جبکہ اقتصادی، سماجی اور انسانی ہمدردی کی خراب صورتحال چوتھا اور اہم چیلنج ہے.
اماراتی وزیر خارجہ نے کہا کہ جینیوا میں امن مذاکرات میں حوثیوں کی عدم شرکت یمن میں انسانی ہمدردی کی خراب صورتحال کی وجہ ہے حالانکہ متحدہ عرب امارات کی امدادی کوششوں تاحال جاری ہیں.
عرب دنیا میں دہشت گرد گروہوں کے لئے ایرانی حمایت کی مذمت کرتے ہوئے شیخ عبداللہ نے کہا، "ہم اپنے ملک میں مسائل کو حل کرنے کے لئے دوسری ریاستوں پر انحصار نہیں کرسکتے."
شیخ عبداللہ نے کہا کہ امدادی اشیاء کی ترسیل میں رکاوٹیں ڈالنے سمیت حوثی ملیشیا ایران سے اسلحہ حاصل کر رہے ہیں، بارودی سرنگیں بچھا رہے ہیں اور لڑائی کے لئے بچوں کو بھرتی کررہے ہیں.
انہوں نے "سیاسی عملوں کی حمایت، مذاکرات کو مضبوط بنانے، اور حکومتوں کے درمیان اعتماد کی تعمیر کے لئے اقوام متحدہ کے اہم کردار پر پھر زور دیا ، تاکہ بین الاقوامی امن اور سلامتی کو برقرار رکھا جاسکے ، خاص طور پر تشویشناک غیر یقینی صورتحال کی روشنی میں، جو فی الحال بین الاقوامی آرڈر کی توضیع کررہی ہے."
شیخ عبداللہ نے 47 سال سے ایران کے زیر تسلط اپنے تین جزائر گریٹر ٹونب، لیسر ٹونب اور ابو موسی پر متحدہ عرب امارات کی خودمختاری کے مطالبے کی توثیق کی.
متحدہ عرب امارات
کے وزیر خارجہ نے انسداد دہشت گردی، انسانی ہمدردی کی امداد اور مصنوعی انٹیلیجنس اور خلائی ٹیکنالوجیز میں ملک کے کردار کو بھی نمایاں کیا.مزید اہم خبریں
-
یو این جنرل اسمبلی: ہر سال 24 مئی کو یوم مارخور منانے کا فیصلہ
-
ملک میں بارشوں کا نیا سلسلہ داخل ہو گیا
-
اگر ملک چلانا ہے تو پھر نیب کے ادارے کو ختم کرنا پڑے گا
-
مشرقی افریقہ: بارشوں اور سیلاب کے دوران یو این امدادی کارروائیاں جاری
-
ایکسٹینشن بربادی کا راستہ ہے
-
سچ یہ ہے کہ یہ الیکشن تحریک انصاف جیت چکی
-
ملک میں رواں سال کی پہلی ہیٹ ویو کا الرٹ جاری
-
اگر میں نے فارم 47 کی بات کی تو ن لیگ منہ نہیں چھپا سکے گی
-
وزیرخزانہ کی ایف بی آرکو محصولات وصولی کا ہدف حاصل کرنے کیلئے ہر ممکن کوشش کی ہدایت
-
گندم اور چینی کا بحران پیدا کرنے کی ایک پوری اکانومی ہے
-
وزیراعظم محمد شہباز شریف سے چیئرمین پاکستان پیپلز پارٹی بلاول بھٹو زرداری کی ملاقات
-
سندھ حکومت سٹنٹنگ سمیت ہر قسم کی غذائی قلت کے خاتمے کیلئے اقدامات کر رہی ہے، وزیراعلیٰ سندھ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.