ایکسائز اہلکاروں نے مسلم آباد بیریئر سے گذر کر آنے والی گاڑی سے 5 کلو چرس برآمد کر کے دو ملزمان کو گرفتار کر لیا

پیر 15 اکتوبر 2018 18:50

ایبٹ آباد۔ (اُردو پوائنٹ اخبارتازہ ترین - اے پی پی۔ 15 اکتوبر2018ء) مسلم آباد بیریئر سے گذر کر آنے والی گاڑی سے ایکسائز اہلکاروں نے 5 کلو چرس برآمد کر کے دو ملزمان کو گرفتار کر لیا۔

(جاری ہے)

اس ضمن میں ذرائع نے صحافیوں کو بتایا کہ ایکسائز انٹیلی جنس بیورو ہزارہ کے انچارج سب انسپکٹر نسیم خان نے مخبر کی اطلاع پر سلہڈ میں سوزوکی کمپنی کے شوروم کے پاس ناکہ بندی کی، اس دوران مسلم آباد بیریئر سے گذرکر آنے والی سفید رنگ کی ایف ایکس کار کو روک کر تلاشی لی تو گاڑی کے خفیہ خانوں سے 5 کلوگرام اعلیٰ کوالٹی کی چرس برآمد ہوئی جس پر گاڑی میں سوار یار زادہ ولد شہزاد گل باڑہ خیبرایجنسی اور آصف خان ولد حسن شاہ سکنہ پہاڑی پورہ پشاور کو گرفتار کر لیا۔

منشیات کے سمگلروں کو تھانہ کینٹ کے حوالہ کر دیا گیا ہے جہاں ایکسائز کے مراسلہ کے بعد تھانہ کینٹ میں نائن سی کے تحت ایف آئی آر درج کر لی گئی ہے۔