زمین کے گرد مزید دو ”چاند“ بھی گردش کر رہے ہیں، ماہرین نے کئی دہائیوں کے بعد تصدیق کر دی
امین اکبر جمعرات 8 نومبر 2018 23:58
نیشنل جیوگرافک کی رپورٹ کے مطابق یہ نئے نام نہاد ”چاند“ زمین کے گرد گردش کرتے اکلوتے روشن چاند کی طرح نہیں بلکہ یہ گرد وغبار کے غیر معمولی بادل ہیں، جو زمین کے گرد اگردش کرتے صل چاند جتنے فاصلے (2 لاکھ 40 ہزار میل) تک ہی گردش کر رہے ہیں۔
سائنسدان 1961 سے ان دو چاندوں کے بارے میں قیاس آرائیاں کر رہے تھے۔ انہیں پولینڈ کے ایک ماہر فلکیات کازیمیرز کوردیلوسکی نے پہلی بار دیکھا تھا۔دوسرے سائنسدانوں نے کوردیلوسکی کی بات کا فوراً ہی یقین نہیں کیا تھا۔ وہ اس حوالے سے حتمی ثبوت کی تلاش میں تھے۔اب سائنسدانوں نے ان کوردیلوسکی بادلوں کی تصدیق کر دی ہے۔
(جاری ہے)
سائنسدانوں کا کہنا ہے کہ کوردیلوسکی بادل زمین سے قریب ہونے کے باوجود دیکھنے میں مشکل ترین اجسام تھے۔
فلکیات میں ماہرین نے انہیں بہت عرصہ تک نظر انداز کیے رکھا۔کوردیلوسکی بادل اگرچہ عظیم اجسام ہیں لیکن ان کے گرد کے ذرات بہت چھوٹے ہیں۔ ان ذرات کا قطر مائیکرومیٹر میں ہے جبکہ کوردیلوسکی بادلوں میں سے ہر ایک کی لمبائی 65 ہزار میل اور چوڑائی 45 ہزار میل ہے یعنی یہ زمین سے 9 گنا چوڑے ہیں۔ ان بادلوں کر ہر ذرہ سورج کی روشنی منعکس کرتا ہے لیکن خلا کے اندھیرے میں انہیں دیکھنا انتہائی مشکل تھا۔ خلابازوں اور طبعیات دانوں نے اپنے کیمروں کے ساتھ پولرائزڈ فلٹر استعمال کیے جس سے انہیں اس روشنی کا پتا چلا جو ذروں سے منعکس ہو رہی تھی۔
ماہرین فلکیات کا اندازہ تھا کہ زمین کے گرد مزید چاند بھی ہو سکتے ہیں۔ ماہرین نے اس حوالے والے سے پانچ مقامات، جنہیں لاگرانج(Lagrange) پوائنٹ کہا جاتا ہے، شناخت کیے۔یہ چاند لاگرانج پوائنٹس پر ہو سکتے تھے۔ لاگرانج پوائنٹس کو خلا میں دو اجسام جیسے سورج اور زمین کی کشش ثقل کے توازن سے جانا گیا تھا۔
1950 کی دہائی میں کوردیلوسکی ایل 4 اور ایل 5 لاگرانج پوائنٹس کو دیکھنا شروع کیا۔ انہیں اس مقام پر چاند نظر آنے کی امید تھی۔انہوں نے ان اجسام کو دیکھ لیا تھا، جس کی تصدیق اب ہوئی ہے۔
ان نئے چاندوں کی دریافت سے پتا چلتا ہے کہ زمین اور زمین کے ارد گرد بہت سی حیرت انگیز دریافتیں ہمارا انتظار کر رہی ہیں۔
متعلقہ عنوان :
مزید عجیب و غریب خبریں
-
ہتھیائی رقم ہڑپ کرنے کیلئے اپنے اغواء اور قتل کا ڈرامہ رچانے والا شخص پکڑا گیا
-
ویتنام،مریض کے پیٹ سے زندہ مچھلی برآمد
-
امریکہ، چوہوں کا پولیس ہیڈ کوارٹر پردھاوا، بھنگ کھانے کے عادی ہوگئے
-
آسٹریلیا، گالف گیم کے دوران کینگروز کے بڑے جھنڈ نے دھاوا بول دیا
-
جرمن باشندے نے کورونا ویکسین 217 بارلی
-
ایلون مسک پیچھے رہ گئے‘ ایمازون کے بانی جیف بیزوز دنیا کے امیر ترین شخص قرار
-
کھلونا گاڑی کی تیز رفتاری کا عالمی ریکارڈ قائم
-
وصیت کے مطابق تدفین سے قبل پروفیسر کی لاش کا اردن یونیورسٹی کا طواف
-
دبئی ایئرپورٹ پر کاسمیٹک سرجری والے مسافروں کو روکا جانے لگا
-
دنیا کے سب سے بڑے ڈینٹل ہسپتال کا ورلڈ ریکارڈ سعودی عرب کے نام
-
سعودی عرب میں بنی جدید ترین سکیورٹی کار نمائش کیلئے پیش
-
ہالی ووڈ لیجنڈ رابرٹ ڈی نیرو کے 80 سال کی عمر میں باپ بننے کی تصدیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.