اداکار اسد ملک کی آٹو میٹک گن برآمد ہونے کے کیس میں ضمانت منظور

اداکار اسد ملک کے سامان سے اس وقت خود کار ہتھیار برآمد ہوا جب وہ لاہور سے کراچی جارہے تھے ،ْ اے ایس ایف ذرائع

منگل 13 نومبر 2018 17:43

اداکار اسد ملک کی آٹو میٹک گن برآمد ہونے کے کیس میں ضمانت منظور

لاہور(اُردو پوائنٹ اخبارتازہ ترین - این این آئی۔ 13 نومبر2018ء) جدید ہتھیار برآمد ہونے کے کیس میں اداکار اسد ملک کی ضمانت 50 ہزار روپے مچلکوں کے عوض منظور کرلی گئی۔اداکار اسد ملک کو کینٹ کچہری لاہور میں پیش کیا گیا جہاں ان کے وکیل کی جانب سے درخواست ضمانت جمع کرائی گئی جسے عدالت نے منظور کرلیا۔

(جاری ہے)

اسد ملک کو گزشتہ روز علامہ اقبال انٹرنیشنل ایئر پورٹ پر گرفتار کیا گیا تھا، پولیس کے مطابق اداکار کے سامان سے آٹو میٹک گن برآمد ہوئی تھی جس کا لائسنس زائد المیعاد تھا۔

اے ایس ایف ذرائع کے مطابق اداکار اسد ملک کے سامان سے اس وقت خود کار ہتھیار برآمد ہوا جب وہ لاہور سے کراچی جارہے تھے۔یاد رہے کہ اداکار اسد ملک 90 کی دہائی کے مشہور ڈرامے دشت، دوسرا آسمان، جانے انجانے اور نقاب سمیت 2 درجن سے زائد ڈراموں میں اداکاری کے جوہر دکھا چکے ہیں۔