آلو کی گرتی ہوئی قیمتی کسی صورت قبول نہیں ،ضلع بھر کے کسان8جنوری کو ڈی سی آفس کے سامنے آلوجلا کر احتجاج کریں گے

ہفتہ 5 جنوری 2019 21:06

پاکپتن۔ (اُردو پوائنٹ اخبارتازہ ترین - اے پی پی۔ 05 جنوری2019ء) آلو کی گرتی ہوئی قیمتی کسی صورت قبول نہیں ،ضلع بھر کے کسان8جنوری کو ڈی سی آفس کے سامنے آلوجلا کر احتجاج کریں گے۔ان خیالات کا اظہار پاکستان کسان اتحاد کے پنجاب ضلعی سیکرٹری اطلاعات چوہدری محمد اشرف نے میڈیا سے گفتگو کرتے ہوئے کیا۔ انہوں نے کہا کہ ملکی معیشت میں ریڑھ کی ہڈی کی حیثیت رکھنے والا شعبہ زراعت تباہی کے دھانے پر پہنچ چکا ہے۔

(جاری ہے)

آلو کی انتہائی کم قیمت نے کسانوں کی کمر توڑ کر رکھ دی ہے ،جس قیمت پر آلو خرید کیا جارہا ہے اس سے منافع تو درکنار اخراجات پورے ہونا ناممکن نظر آرہے ہیں آلوکی گرتی ہوئی قیمت پر حکومت اپنا کردار ادا کرے ،تمام بڑی فصلوں کی امدادی قیمتیں مقرر کی جائیں اس حوالہ سے کسانوں سے یونین کونسل کی سطح پر میٹنگ کا سلسلہ جاری ہے ،پاکستان کسان اتحاد 8جنوری کو ڈی سی آفس کے سامنے اپنے مطالبات کے حق میں آلو کی فصل جلا کر احتجاج کرے گا مطالبات تسلیم نہ ہونے کی صورت میں اگلے لائحہ عمل کا اعلان کیا جائے گا۔