سرفراز کی چھٹی، اور قومی ٹیسٹ ٹیم کے ممکنہ نئے کپتان کا نام سامنے آگیا
پے درپے شکستوں کے باعث دورہ جنوبی افریقہ کے بعد سرفراز احمد کو ٹیسٹ ٹیم کی کپتانی سے ہٹا کر شان مسعود کو کپتانی دینے پر غور
محمد علی منگل 8 جنوری 2019 22:28
(جاری ہے)
اس حوالے سے نجی ٹی وی چینل کی جانب سے دعویٰ کیا گیا ہے کہ جنوبی افریقہ کیخلاف سیریز کے اختتام کے بعد سرفراز احمد کو کپتانی سے ہٹا دیا جانا یقینی ہے۔
جبکہ قومی ٹیم کے نئے کپتان کا نام بھی سامنے آگیا ہے۔ ذرائع کے مطابق قومی اے کرکٹ ٹیم کی کپتانی کرنے والے دورہ جنوبی افریقہ میں اچھی کارکردگی سے سب کو اپنی جانب متوجہ کرنے والے شان مسعود کپتانی کے مضبوط امیدوار ہیں۔ تاہم اس حوالے سے حتمی فیصلہ دورہ جنوبی افریقہ کے بعد کیا جائے گا۔ دوسری جانب قومی کرکٹ ٹیم کے سابق کپتان رمیز راجہ نے سرفراز احمد کے مستقبل کی اہم پیشگوئی کرتے ہوئے کہا کہ ٹیسٹ میچز میں فتوحات نہ دلانے کے سبب وقت ان کے ہاتھ سے نکلا جا رہا ہے کیونکہ یہ کافی مشکل کام ہے کہ وہ اپنی بیٹنگ تکنیک کو تبدیل کر سکیں جو بیرون ملک کنڈیشنز میں ان کے لیے ہرگز موزوں نہیں ہے۔ رمیز راجہ کے مطابق پاکستانی کپتان کے لیے گھڑی کی ٹک ٹک تیز ہوتی جا رہی ہے کیونکہ وہ ٹیم کو ٹیسٹ میچز میں فتوحات دلانے میں ناکام اور تسلسل کے ساتھ رنز بھی سکورنہیں کر رہے ہیں۔نیوزی لینڈ کے بعد جنوبی افریقہ کے خلاف ٹیسٹ سیریز میں ناکامی کو پیش نظر رکھتے ہوئے رمیز راجہ کو محسوس ہوتا ہے کہ سرفراز احمد کو اپنی ٹیم کی قسمت بدلنے کے لیے انقلابی اقدامات کی ضرورت ہے کیوں کہ طویل فارمیٹ کی کرکٹ کسی بھی کپتان کے لیے کافی ڈیمانڈنگ ہوتی ہے جس میں اسے ہر سیشن کے لیے تیار رہنا پڑتا ہے اور اب انہیں حاصل شدہ تجربات سے سیکھتے ہوئے زیادہ محتاط رہنا ہوگا ورنہ وقت ان کے ہاتھوں سے نکل رہا ہے کیونکہ ان کے پرستار مثبت نتائج مانگ رہے ہیں اور ان کی جانب سے ایسا کچھ نہیں ہو رہا۔یاد رہے کہ پاکستان کو جنو بی افریقہ کے خلاف تین ٹیسٹ میچز کے پہلے دونوں مقابلوں میں بڑے مارجن سے شکست کا سامنا کرنا پڑ ا ہے ، پاکستان اور جنوبی افریقہ کے درمیان تیسرا اور آخری ٹیسٹ 11 سے 15 جنوری تک جوہانسبرگ کھیلا جائے گا، اس کے بعد دونوں ٹیموں کے درمیان ون ڈے انٹرنیشنل سیریز کا پہلا میچ 19 جنوری، دوسرا میچ 22 جنوری، تیسرا میچ 25 جنوری، چوتھا میچ 27 جنوری جب کہ پانچواں اور آخری میچ 30 جنوری کو کھیلا جائے گا، پاکستان اور جنوبی افریقہ کے درمیان پہلا ٹی ٹونٹی میچ یکم فروری، دوسرا میچ 3 فروری جب کہ تیسرا اور آخری میچ 6 فروری کو کھیلا جائے گا۔مزید کھیلوں کی خبریں
-
عامر خان کاباکسنگ کے حوالے سے غیر سنجیدگی پر سوالات اٹھاتے ہوئے ملک میں باکسنگ کی دگرگوں حالت پر مایوسی کا اظہار
-
انگلش پریمیئر لیگ کے دلچسپ مقابلے جاری،27اپریل کو مزید 6 میچوں کا فیصلہ ہوگا
-
صائم ایوب کو بطور ٹی ٹونٹی اوپنر کھلانا میری نظر میں مسئلے کا حل تھا : محمد حفیظ
-
محمد حفیظ نے غیرملکی کوچز کی تقرری پر سوال اٹھا دیئے
-
اہم کھلاڑی نہیں کھیلتے تو فرق پڑتا ہے، فخر زمان
-
بے سہارا بچوں نے بھی اسٹیڈیم میں پاک نیوزی لینڈ چوتھا ٹی ٹوئنٹی میچ دیکھا، محسن نقوی سے ملاقات
-
بابر اعظم اور محمد رضوان اچھے کھلاڑی ہیں ،پوری ٹیم نہیں، محمد حفیظ
-
ارشد ندیم جنوبی افریقا میں سخت ٹریننگ کے مرحلے میں داخل
-
ایوریج ٹیم کیخلاف شکست، رمیز راجا نے تبدیلوں کو ’’نام نہاد تجربہ‘‘ قرار دیدیا
-
وقار یونس نے ٹی ٹونٹی ورلڈ کپ کے لیے اپنی پاکستانی سکواڈ کا اعلان کر دیا
-
قطر جونیئر سکواش ، پاکستان نے دو چاندی کے تمغے اپنے نام کر لیے
-
کھلاڑی کو بغیر بتائے پوزیشن تبدیل کرنے سے فرق پڑتا ہے : فخر زمان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.