یونیورسٹی آف بلتستان سکردو کے طلباء کے وفد کا آئی ایس پی آر کا دورہ ،ْ ڈی جی آئی آئی ایس پی آر سے ملاقات

نوجوان ففتھ جنریشن وار فیر کے موجودہ دور میں دشمن کی سازشوں سے باخبر رہیں ،ْ میجر جنرل آصف غفور

جمعہ 11 جنوری 2019 20:57

یونیورسٹی آف بلتستان سکردو کے طلباء کے وفد کا آئی ایس پی آر کا دورہ ..

راولپنڈی (اُردو پوائنٹ اخبارتازہ ترین - این این آئی۔ 11 جنوری2019ء) یونیورسٹی آف بلتستان سکردو کے طلباء کے وفد نے آئی ایس پی آر کا دورہ کیا اور ڈی جی آئی ایس پی آر میجر جنرل آصف غفور سے ملاقات کی ۔ جمعہ کو آئی ایس پی آر کے مطابق وفد نے ملکی امن و استحکام کے لئے پاک فوج کی کاوشوں کا اعتراف کیا۔

(جاری ہے)

آئی ایس پی آر کے مطابق وفد نے گلگت بلتستان کی سماجی و اقتصادی ترقی کے لئے پاک فوج کی کاوشوں پر اظہارِ تشکر کیا ۔

میجر جنرل آصف غفور نے کہا کہ موجودہ ففتھ جنریشن وار فیر میں نوجوانوں کا کردار انتہائی اہم ہے۔ میجر جنرل آصف غفور نے کہاکہ نوجوان ملکی ترقی میں مثبت کردار ادا کر سکتے ہیں۔ میجر جنرل آصف غفور نے کہاکہ نوجوان ففتھ جنریشن وار فیر کے موجودہ دور میں دشمن کی سازشوں سے باخبر رہیں۔