نوجوان دشمن کی سازشوں ک ناکام بنانے میں اہم کردارادا کررہے ہیں،

پاک فوج ففتھ جنریشن وارفیئر میں نوجوان سوشل میڈیا پر نشانے پرہیں، نوجوان عملی زندگی میں آگے بڑھنے پرتوجہ دیں اور قومی ترقی میں مثبت انداز میں اپنا حصہ ڈالیں،آئی ایس پی آر

جمعہ 11 جنوری 2019 21:27

نوجوان دشمن کی سازشوں ک ناکام بنانے میں اہم کردارادا کررہے ہیں،

راولپنڈی (اُردو پوائنٹ اخبارتازہ ترین - آن لائن۔ 11 جنوری2019ء) پاک فوج کے ترجمان میجرجنرل آصف غفور نے کہا ہے کہ ففتھ جنریشن وارفیئر میں نوجوان سوشل میڈیا پر نشانے پرہیں، نوجوان عملی زندگی میں آگے بڑھنے پرتوجہ دیں اور قومی ترقی میںمثبت انداز میں اپنا حصہ ڈالیں، نوجوان دشمن کی سازشوں کو ناکام بنانے میںاہم کردار ادا کر رہے ہیں۔

(جاری ہے)

پاک فوج کے شعبہ تعلقات عامہ (آئی ایس پی آر) کے مطابق بلتستان یونیورسٹی اسکردو کے طلباء اور اساتذہ کے وفد نے ( آئی ایس پی آر) کا دورہ کیا اور ڈی جی آئی ایس پی آر میجر جنرل آصف غفور سے ملاقات کی ۔

میجر جنرل آصف غفور نے وفد کو امن و استحکام سے متعلق پاک فوج کی کاوشوں سے آگاہ کرتے ہوئے کہا کہ نوجوان دشمن کی سازشیں ناکام بنانے میں اہم کردار ادا کر رہے ہیں لہذا طلباء ملک کودرپیش چیلنجز سے باخبر رہیں اور عملی زندگی میں آگے بڑھنے پر توجہ دیں ، قومی ترقی میں مثبت انداز میں اپنا حصہ ڈالیں کیونکہ ففتھ جنریشن وارفیئر میں نوجوان سوشل میڈیا پر نشانے پر ہیں۔ وفد نے گلگت بلتستان میں سماجی و اقتصادی ترقی میںپاک فوج کے تعاون پر اظہار تشکر کیا۔