وزیراعلیٰ کی ڈسٹرکٹ بار ایسوسی ایشن لاہورکے نومنتخب صد ر عاصم چیمہ و دیگرعہدیداروں کو مبارکباد

اتوار 13 جنوری 2019 19:40

لاہور۔13 جنوری(اُردو پوائنٹ اخبارتازہ ترین - اے پی پی۔ 13 جنوری2019ء) وزیراعلیٰ پنجاب عثمان بزدار نے ڈسٹرکٹ بار ایسوسی ایشن لاہورکے انتخابات میں کامیابی پر نومنتخب صد ر عاصم چیمہ اور دیگرعہدیداران کو مبارکباد دی ہے۔

(جاری ہے)

وزیراعلیٰ نے اپنے تہنیتی پیغام میں کہا ہے کہ ڈسٹرکٹ بار ایسوسی ایشن لاہور نے ہمیشہ آئین کی بالادستی اور قانون کی حکمرانی کیلئے موثر کردار ادا کیا ہے اور توقع ہے کہ نومنتخب قیادت وکلاء برادری کی فلاح و بہبود اور مسائل کے حل کیلئے تمام تر توانائیاں بروئے کار لائے گی۔

انہوں نے کہا کہ عوام کو فوری انصاف کی فراہمی کے حوالے سے وکلاء برادری کا کردار انتہائی اہمیت کا حامل ہے اور جمہوری نظام کے استحکام اور آزاد عدلیہ کی بحالی کے لئے وکلاء برادری کی خدمات ناقابل فراموش ہیں۔