حَلب کا شہری گزشتہ 35 سالوں سے صرف پیلے کپڑے پہن رہا ہے
پیر 14 جنوری 2019 23:54
آپ نے بہت سے لوگوں کے بارے میں سنا ہوگا کہ وہ زندگی بھر سفید رنگ کے کپڑے پہنتے رہے لیکن کیا آپ نے سنا ہے کہ کوئی 35 سالوں سے صرف پیلے رنگ کے کپڑے پہن رہا ہے۔ جنگ زدہ شام کے شہر حَلب سے تعلق رکھنے والا ایک 68 سالہ شخص گزشتہ 35 سالوں سے پیلا رنگ پہن رہا ہے۔
25 جولائی 1983 کو ابو زاکور نے فیصلہ کیا کہ وہ صرف پیلا رنگ پہنیں گے کیونکہ اُن کی نظر میں یہ رنگ محبت کی ترجمانی کرتا ہے۔
اگر انہیں پہننے کے لیے کوئی پیلی چیز نہ ملے تو وہ پیلی نیل پالش لے کر دوسرے رنگ کی چیزوں کو پیلے رنگ میں رنگ دیتے ہیں۔
(جاری ہے)
اُن کے اپارٹمنٹ میں اُن کے کپڑوں کے علاوہ بھی بہت سی چیزیں پیلے رنگ کی ہیں۔ ان کے کچن کی ٹیبل کا کپڑا، بیڈ شیٹ اور ڈسٹ بن تک پیلے رنگ کی ہں۔
شام میں جنگ شروع ہونے کے بعد بھی ابو زاکور پیلا لباس پہنتے رہے۔ وہ گلیوں میں اپنے اسی حلیے میں گھومتے۔ جنگ کےد وران ان کے بارے میں طرح طرح کی افواہیں بھی گردش کرتی رہیں کہ وہ بشار الاسد کے مخبر ہیں یا اُن کے پیلے رنگ کے کپڑے داعش یا القاعدہ سے تعلق کو ظاہر کرتے ہیں۔
2013 کی ایک وائرل ویڈیو میں سیرین لبریشن آرمی کے ارکان کو انہیں زدوکوب کرتے دکھایا گیا ہے۔ وہ ابو زاکور سے پوچھ رہے تھے کہ وہ پیلے کپڑے کیوں پہنتا ہے ۔ جواب میں ابو زاکور کہتے سنائی دیتے ہیں کہ وہ صرف پیلے کپڑے ہی پہنتے ہیں لیکن اس جواب سے سیرین لبریشن آرمی کی تسلی نہیں ہوتی۔یہ ویڈیو دیکھنے کے بعد آج لوگ حیران ہوتے ہیں کہ ابو زاکور جنگ سے کیسے بچ گئے۔حال ہی میں انہوں نے ایک تصویر پوسٹ کی ہے، جس میں وہ حَلب شہر میں اپنے مخصوص حلیے میں گھوم رہے ہیں۔ اس تصویر کو دیکھ کر لوگوں کے چہرے پر ایک بار پھر مسکراہٹ آ گئی ہے۔
اُن کا کہنا ہے کہ جب وہ گلیوں میں گھومتے ہیں تو لوگ مسکراتے ہیں، ان کے ساتھ اپنی تصویریں بنواتے ہیں، ان سے مذاق کرتے ہیں۔ ابو زاکور کا کہنا ہے کہ یہی محبت ہے۔ ابو زاکور کا کہنا ہے کہ جب تک وہ زندہ ہیں وہ یہی رنگ پہنتے رہیں گے۔
متعلقہ عنوان :
مزید عجیب و غریب خبریں
-
ہتھیائی رقم ہڑپ کرنے کیلئے اپنے اغواء اور قتل کا ڈرامہ رچانے والا شخص پکڑا گیا
-
ویتنام،مریض کے پیٹ سے زندہ مچھلی برآمد
-
امریکہ، چوہوں کا پولیس ہیڈ کوارٹر پردھاوا، بھنگ کھانے کے عادی ہوگئے
-
آسٹریلیا، گالف گیم کے دوران کینگروز کے بڑے جھنڈ نے دھاوا بول دیا
-
جرمن باشندے نے کورونا ویکسین 217 بارلی
-
ایلون مسک پیچھے رہ گئے‘ ایمازون کے بانی جیف بیزوز دنیا کے امیر ترین شخص قرار
-
کھلونا گاڑی کی تیز رفتاری کا عالمی ریکارڈ قائم
-
وصیت کے مطابق تدفین سے قبل پروفیسر کی لاش کا اردن یونیورسٹی کا طواف
-
دبئی ایئرپورٹ پر کاسمیٹک سرجری والے مسافروں کو روکا جانے لگا
-
دنیا کے سب سے بڑے ڈینٹل ہسپتال کا ورلڈ ریکارڈ سعودی عرب کے نام
-
سعودی عرب میں بنی جدید ترین سکیورٹی کار نمائش کیلئے پیش
-
ہالی ووڈ لیجنڈ رابرٹ ڈی نیرو کے 80 سال کی عمر میں باپ بننے کی تصدیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.