پشاور،خزانہ شوگر مل کے سامنے ہزاروں کاشتکاروں کا احتجاجی مظاہرہ

جمعرات 17 جنوری 2019 23:43

پشاور۔ (اُردو پوائنٹ اخبارتازہ ترین - اے پی پی۔ 17 جنوری2019ء) خزانہ شوگر مل کے سامنے ہزاروں کاشتکاروں نے احتجاجی مظاہرہ کیا۔مظاہرین نے حکومت اور شوگرملز مالکان کے خلاف بھرپور نعرہ بازی کی ۔ ڈی ایس پی حیدر خان اور دیگر انتظامیہ کی یقین دہانی پر احتجاجی مظاہرہ پرُ امن طورپر منتشر ہوئے لیکن آج بروز جمعہ کو دوبارہ احتجاجی دھرنے کا اعلان بھی کیا گیا۔

(جاری ہے)

مظاہرین سے خطاب کرتے ہوئے نائب امیر جماعت اسلامی وسابق صوبائی وزیر حافظ حشمت خان نے کہاکہ کاشتکاروں کے مطالبات حل ہونے تک احتجاج جاری رہے گا اورصوبائی حکومت نے عوام پر اور خاص طورپر غریب کاشتکاروں پر زندگی تنگ کردی گئی ہیں حکومت خوش کے ناخن لیں ورنہ یہ احتجاج پورے ملک میں پھیل جائے گا۔اس موقع پر مظاہرین سے عبدالرحمن خان ، ارباب جمیل خان ، کسان بورڈ ضلع پشاور کے صدر احمد علی خان ، مسلم لیگ ن کے سینئر نائب صدر فضل اللہ دائودزئی ، گوہر خان ، راشید محمود خان اور دیگر ذمہ داران بھی خطاب کیا۔