وزیر ریلوے شیخ رشید احمد کا ریلوے سٹیشنوں پر فارمیسی شاپس کھولنے کا اعلان

بڑے ریلوے سٹیشنوں پر ڈاکٹرز کی دستیابی بھی یقینی بنائیں گے، میڈیا سے گفتگو

جمعہ 18 جنوری 2019 19:45

وزیر ریلوے شیخ رشید احمد کا ریلوے سٹیشنوں پر فارمیسی شاپس کھولنے کا ..

اسلام آباد ۔ (اُردو پوائنٹ اخبارتازہ ترین - اے پی پی۔ 18 جنوری2019ء) وزیر ریلوے شیخ رشید احمد نے ریلوے سٹیشنوں پر فارمیسی شاپس کھولنے کا اعلان کرتے ہوئے کہا ہے کہ بڑے ریلوے سٹیشنوں پر ڈاکٹرز کی دستیابی بھی یقینی بنائیں گے۔

(جاری ہے)

میڈیا سے گفتگو کرتے ہوئے شیخ رشید نے کہا کہ بغیر ٹکٹ سفر کرنے والو ں کے خلاف آپریشن میں ایک ہفتہ میں 6 کروڑ کی آمدن ہوئی ہے، یکم فروری سے بغیر ٹکٹ سفر کرنے والوں کے خلاف مزید سخت ایکشن ہو گا، قوم ریلوے کے ساتھ تعاون کرے۔ انہوں نے کہا کہ 20 ٹرینیں چلا چکے ہیں، مارچ میں مزید 20 ٹرینیں چلانے جا رہے ہیں، فروری میں ہفتہ خوش اخلاقی منائیں گے، صفائی پر بھی توجہ دیں گے۔