نادراآرڈیننس کی سیکشن 27 کے تحت وفاقی حکومت ادارے کے آڈٹ کیلئے آڈیٹر تعینات کرنے کی مجاز ہے، ترجمان

جمعہ 22 فروری 2019 16:15

اسلام آباد (اُردو پوائنٹ اخبارتازہ ترین - این این آئی۔ 22 فروری2019ء) ترجمان نادران نے کہا ہے کہ نادراآرڈیننس کی سیکشن 27 کے تحت وفاقی حکومت ادارے کے آڈٹ کیلئے آڈیٹر تعینات کرنے کی مجاز ہے۔ جمعہ کو ترجمان نادرا نے کہاکہ نادرا کا آڈٹ باقی سرکاری اداروں کی طرح مسلسل آڈیٹر جنرل پاکستان سے ہو رہا ہے۔

(جاری ہے)

ترجمان نادرا نے کہاکہ نادرا کے آڈٹ کے دور اں آڈیٹر کی طرف سے بنائی گئی آبرویشن کو ہر سال ڈپارٹمنٹ آڈٹ کمیٹی (ڈی اے سی) اور پبلک اکاؤنٹس کمیٹی (پی اے سی) میں بحث کیلئے پیش کیا جاتا ہے۔

یہاں یہ بات بھی قابل ذکر ہے کہ مورخہ 22 فروری پی اے سی میں نادراکی 2015-16 آڈٹ رپورٹ پر بحث ہونی تھی جو ملتوی کر دی گئی جبکہ اب بھی نادرا کا 17-2016 اور 18-2017 کاآڈٹ آڈیٹر جنرل پاکستان سے جاری ہے۔