نیب کا خواجہ سعد رفیق کے خلاف غیر قانونی اثاثہ جات بنانے کا ریفرنس دائر کرنے کا فیصلہ

منگل 12 مارچ 2019 15:30

لاہور(اُردو پوائنٹ اخبارتازہ ترین - این این آئی۔ 12 مارچ2019ء) قومی احتساب بیورو (نیب) لاہورنے سابق وفاقی وزیر ریلوے خواجہ سعد رفیق کے خلاف غیر قانونی اثاثہ جات بنانے کا ریفرنس بھی دائر کرنے کا فیصلہ کرلیا ہے ۔چیئرمین نیب کی منظوری کے بعد ریفرنس دائر کر دیا جائے گا ۔

(جاری ہے)

ذرائع کے مطابق سابق وفاقی وزیر ریلوے خواجہ سعد رفیق کے خلاف آمدن سے زائد اثاثوں کی تحقیقات میں اہم شواہد نیب کی ٹیم نے حاصل کرلیے ہیں اور انہی شواہد کی بناپر غیر قانونی اثاثوں کا ریفرنس فائل کرنے کا فیصلہ کیا گیا ہے۔

خواجہ سعد رفیق نے کروڑ وں روپے مالیت کے کئی ایسے اثاثے بنا رکھے ہیں جو انکی امدن سے مطابقت نہیں رکھتے جبکہ خواجہ سعد رفیق کے مختلف بینک اکائونٹس میں بھی کڑوروں کی ٹرانزیکشز ہوئیں ہیں جس کی تحقیقات کی جارہی ہیں ۔نیب نے خواجہ سعد رفیق کو پیراگون اسکینڈل میںگرفتار کررکھا ہے اور احتساب عدالت نے نیب سے پیراگون کیس کی حتمی رپورٹ طلب کر رکھی ہے۔