دنیا بھر میں انٹرنیشنل ہیپینس ڈے کل منایاجائیگا،

دو تہائی جرمن شہری زندگی سے خوش اور مطمئن ،تازہ سروے

منگل 19 مارچ 2019 16:22

دنیا بھر میں انٹرنیشنل ہیپینس ڈے کل منایاجائیگا،

برلن(اُردو پوائنٹ اخبارتازہ ترین - این این آئی۔ 19 مارچ2019ء) خوشی کے عالمی دن ( انٹرنیشنل ہیپینس ڈے )سے قبل کرائے گئے ایک سروے سے معلوم ہوا ہے کہ جرمن شہریوں کی دو تہائی تعداد زندگی سے خوش اور مطمئن ہے۔ انٹرنیشنل ہیپینس ڈے بیس مارچ کو دنیا بھر میں منایا جائے گا۔ اقوام متحدہ کی جنرل اسمبلی نے یہ دن سن 2012 سے منانا شروع کیا تھا۔

(جاری ہے)

غیرملکی خبررساں ادارے کے مطابق یہ بات خوشی کے عالمی دن یا انٹرنیشنل ہیپینس ڈے سے قبل کرائے گئے ایک سروے میں سامنے آئی ہے۔

سینس انسٹیٹیوٹ اور یوگووکی جانب سے کرائے گئے سروے میں دو ہزار سے زائد افراد سے ان کی رائے جانی گئی اور چھیاسٹھ فیصد سے زائد نے اپنی زندگی سے خوش ہونے کے ساتھ ساتھ اطمینان کا اظہار کیا۔ ستائیس فیصد افراد کے بقول وہ ناخوش ہیں۔ انٹرنیشنل ہیپینس ڈے بیس مارچ کو دنیا بھر میں منایا جائے گا۔ اقوام متحدہ کی جنرل اسمبلی نے یہ دن سن 2012 سے منانا شروع کیا تھا۔