پشاور میں لیڈی ہیلتھ ورکرز کا اپنے مطالبات کے حق میں شیر شاہ سوری پل کے قریب کے پی اسمبلی کے سامنے احتجاج

پیر 15 اپریل 2019 22:22

پشاور(اُردو پوائنٹ اخبارتازہ ترین - آن لائن۔ 15 اپریل2019ء) پشاور میں لیڈی ہیلتھ ورکرز نے اپنے مطالبات کے حق میں شیر شاہ سوری پل کے قریب کے پی اسمبلی کے سامنے احتجاج کیا، کئی ہیلتھ ورکرز کے ہمراہ ان کے بچے بھی تھے۔ خواتین مظاہرین نے روڈ کو دونوں اطراف سے ٹریفک کے لیے بند کر دیاخواتین مظاہرین نے مطالبات کے حق میں نعرے بازی کی۔ جبکہ دھرنے کے باعث ٹریفک کا نظام درہم برہم ہوگیا۔

راستہ بند ہونے پر شہریوں نے بھی اہلکاروں کے خلاف شدید نعرے بازی شروع کردی۔احتجاج کرنے والی لیڈی ہیلتھ ورکرز کا کہنا تھا کہ وہ مطالبات منظور کئے جانے تک احتجاج ختم نہیں کریں گی، ان کا کہنا تھا کہ وہ 5 سال سے کنٹریکٹ پر ہیں لیکن مستقل نہیں کیا جارہا، پشاور انہیں 5 مہینوں کے بعد ایک تنخواہ دی جارہی ہے جب کہ جنوری 2019 سے نئی بھرتی کی جانے والی لیڈی ہیلتھ ورکرز کو تو تنخواہیں بھی نہیں دی جارہیں، جس سے گھر کے چولہے جلنا مشکل ہوگئے ہیں۔

(جاری ہے)

مظاہرین کا کہنا تھا کہ انسداد پولیو مہم کے دوران ان سے 3 دن کی بجائے 15 روز ڈیوٹی لی جارہی ہے جب کہ الاؤنس صرف 3 روز کا دیا جاتا ہے، اس کے علاوہ ہیلتھ پروفیشنل الاؤنس اور رسک الاؤنس بھی نہیں دیا جارہا، اس کے علاوہ پے اسکیل بھی 5 سے بڑھا کر 7 کیا جائے۔مظاہرین نے مطالبہ کیا کہ سپریم کورٹ کے احکامات کے مطابق اپگریڈیشن دی جائے