پی ٹی آئی ملک وقوم کی بہتری اور عوام کی خدمت کی سیاست پریقین رکھتی ہے،ایم پی اے چوہدری آصف مجید

اتوار 21 اپریل 2019 20:30

رحیم یارخان ۔ 21 اپریل(اُردو پوائنٹ اخبارتازہ ترین - اے پی پی۔ 21 اپریل2019ء) پاکستان تحریک انصاف کے ایم پی اے چوہدری آصف مجیدنے کہا کہ پی ٹی آئی کی حکومت سابقہ حکومتوں کی طرح عوام کو وعدوں پر نہیں ٹرخائے گی بلکہ عملی طور پر ثابت کریگی کہ پی ٹی آئی ہی وہ واحد جماعت ہے جو ملک وقوم کی بہتری اور عوام کی خدمت کی سیاست پریقین رکھتی ہے، وزیر اعظم عمران خان عوام کو بنیادی سہولتیں فراہم کرنے اورایک عام آدمی کا معیارزندگی بلند کرنے کا تہیہ کئے ہوئے ہیں، شہر میں ترقیاتی کاموں کو آغازہوچکا ہے اورکوئی وارڈ ترقیاتی کاموں کے بغیر نہیں رہیگا ہرکام میرٹ اور صاف وشفاف ہونگے ، عوام ہونے والے ترقیاتی کاموں پرگہری نظر رکھیں کسی جگہ بھی غیر معیاری میٹریل کااستعمال نہ ہونے دیں۔

(جاری ہے)

کسی کو ترقیاتی کاموں میں کرپشن کرنے کی اجازت نہیں دینگے۔ان خیالات کااظہارانہوں نے گذشتہ روز ٹبہ پیرشہیداں وارڈ نمبر 1میں 10لاکھ روپے کے منصوبہ سے تیار ہونے والی ٹف ٹائل گلی کا افتتاح کرتے ہوئے کیا۔چوہدری آصف مجید نے کہاکہ عوام سے الیکشن میں کئے گئے وعدے پورے کریںگے اورعوام کے درمیان رہیں گے۔