احتساب عدالت میں آغا سراج درانی کے گھر پر چھاپے سے متعلق نیب کا جواب عدالت میں جمع

جمعہ 3 مئی 2019 21:36

ِکراچی (اُردو پوائنٹ اخبارتازہ ترین - آن لائن۔ 03 مئی2019ء) احتساب عدالت میں آغا سراج درانی کے گھر پر نیب کے چھاپے سے متعلق نیب کی جانب سے جواب عدالت میں جمع کرادیا گیا، نیب کے مطابق آغا سراج درانی کے گھر سے گاڑیاں، ہتھیار، ولاز، بنگلوز فلیٹس اور پلاٹس کی دستاویزات، پرائز بانڈز قبضے میں لیے گئے۔کراچی کی احتساب عدالت میں آغا سراج درانی کے گھر پر نیب کے چھاپے کے حوالے سے سماعت ہوئی۔

نیب کی جانب سے جواب عدالت میں جمع کرادیا گیا۔

(جاری ہے)

جواب میں کہا گیا ہے کہ آغا سراج درانی کے گھر پر چھاپے کی کوئی ویڈیو ریکارڈنگ نہیں کی گئی۔ نیب کے پاس اس حوالے سے کوئی فوٹیج موجود نہیں ہے ۔جواب میں بتایا گیا ہے کہ آغا سراج درانی کے گھر سے چھاپے میں گاڑیاں، ہتھیار، ولاز، بنگلوز فلیٹس اور پلاٹس کی دستاویزات، پرائز بانڈز قبضے میں لیئے گئے۔ تمام پراپرٹی آغا سراج درانی کی اہلیہ، بیٹوں کے نام پر خریدی گئی ہے۔ آغا سراج درانی کی جانب سے گھر پر چھاپے سے متعلق ویڈیو ریکارڈنگ فراہم کرنے کی درخواست دائر کی گئی تھی۔#