میٹرو پولیٹن کارپوریشن ڈائریکٹوریٹ آف ہیلتھ سروسز اسلام آباد کی جانب سے پولن الرجی سے متاثرہ افراد کو 11 طبی مراکز پر علاج ومعالجہ کی سہولت کی فراہمی

جمعہ 24 مئی 2019 11:25

اسلام آباد ۔ (اُردو پوائنٹ اخبارتازہ ترین - اے پی پی۔ 24 مئی2019ء) میٹرو پولیٹن کارپوریشن ڈائریکٹوریٹ آف ہیلتھ سروسز اسلام آباد کی جانب سے پولن الرجی سے متاثرہ افراد کو 11 طبی مراکز پر علاج ومعالج کی سہولت دی جارہی ہے۔ ان طبی مراکز پر اینٹی الرجی ادویات ، آکسیجن سلنڈر اور نوبولائزیشن کی موجودگی کو یقینی بنایاگیاہے۔

(جاری ہے)

میٹرو پولیٹن کارپوریشن ڈائریکیورٹیٹ آف ہیلتھ سروسز کے ذرائع کے مطابق مارچ سے لیکر مئی کے مہینہ تک الرجی سے بچائو کیلئے وفاقی دارلحکومت اسلام آباد میں11 طبی مراکز پر علاج ومعالج کی سہولت دی جاتی ہے تاکہ ان کو الرجی کے اثرات سے بچایاجاسکے۔

ایک سوال کے جواب میں انہوں نے بتایا کہ الراجی کا سبب بننے والے درختوں کو بھی وفاقی دارالحکومت اسلام آباد سے تلف کیاجارہاہے ۔