مودی ،عمران خان کو حلف برداری تقریب میں مدعوکریں گی سوشل میڈیا پر بحث

عمران خان کے بھارتی وزیراعظم کو کامیابی پر مبارکباد سے سوشل میڈیا پر نئی بحث کا آغا زہوگیا

ہفتہ 25 مئی 2019 15:45

مودی ،عمران خان کو حلف برداری تقریب میں مدعوکریں گی سوشل میڈیا پر بحث

نئی دہلی (اُردو پوائنٹ اخبارتازہ ترین - این این آئی۔ 25 مئی2019ء) وزیراعظم عمران خان نے بھارت کے لوک سبھا انتخابات میں بھارتیہ جنتا پارٹی سے تعلق رکھنے والے نریندر مودی کو کامیابی پر مبارکباد پیش کی تو سماجی رابطوں کی ویب سائٹس پر نئی بحث کا آغاز ہوگیا۔

(جاری ہے)

غیرملکی خبررساں ادارے کے مطابق اول یہ کہ کیا نریندر مودی اپنی تقریب حلف برداری میں وزیراعظم عمران خان کو اسی طرح مدعو کریں گے جس طرح انہوں نے سابق وزیراعظم نواز شریف کو بلایا تھا اور دوئم یہ کہ اگر نئی دہلی کی جانب سے مدعو کیا جائے تو کیا عمران خان کو جانا چاہیے یا نہیں یہاں یہ بات بھی قابل ذکر ہے کہ مودی کو عام انتخابات میں کامیابی پر جب وزیراعظم نے مبارکباد دی تو انہوں نے اس کا شکریہ ادا کیا لیکن سماجی رابطوں کی ویب سائٹس پر ایک بحث چھڑ گئی کہ عمران خان نے بہت جلدی مبارکباد دیدی جبکہ کچھ نے خیال ظاہر کیا کہ اس طرح اچھے تعلقات کی بنیاد رکھی گئی ہے۔