وزیراعظم عمران خان کا اقلیتی برادریوں کے مسائل کے حل کے لئے ہر ممکن کاوش بروئے کار لانے کے حکومتی عزم کا اعادہ

رکن قومی اسمبلی جمشید تھامس کی قیادت میں بشپس کے وفد کی وزیر اعظم سے ملاقات پاکستان کیتھولک بشپس کانفرنس کی جانب سے دیامر بھاشا اور مہمند ڈیم فنڈ کے لئے 56 لاکھ 50 ہزار روپے کا چیک پیش کیا

جمعرات 4 جولائی 2019 14:41

وزیراعظم عمران خان کا اقلیتی برادریوں کے مسائل کے حل کے لئے ہر ممکن ..

اسلام آباد (اُردو پوائنٹ اخبارتازہ ترین - اے پی پی۔ 04 جولائی2019ء) وزیراعظم عمران خان نے اقلیتی برادریوں کے مسائل کے حل کے لئے ہر ممکنہ کاوش بروئے کار لانے کے حکومتی عزم کا اعادہ کیا ہے۔ انہوں نے یہ بات جمعرات کو رکن قومی اسمبلی جمشید تھامس کی قیادت میں بشپس کے وفد سے گفتگو کرتے ہوئے کہی جس نے وزیراعظم آفس میں ان سے ملاقات کی۔

(جاری ہے)

پاکستان کیتھولک بشپس کے صدر آرچ بشپ جوزف ارشد، لاہور کے آرچ بشپ آرچ بشپ سباسٹین فرانسس شا، ملتان کے بشپ بینی تراوس، فیصل آباد کے بشپ اینڈریاس رحمت اور جان فلپ شامل تھے۔

ملاقات کے دوران مسیحی برادری سے متعلق مسائل پر تبادلہ خیال ہوا۔ وفد نے پاکستان کیتھولک بشپس کانفرنس کی جانب سے دیامر بھاشا اور مہمند ڈیم فنڈ کے لئے وزیراعظم کو 56 لاکھ 50 ہزار روپے کا چیک پیش کیا۔ یہ رقم پاکستان (اسلام آباد، راولپنڈی، کراچی، لاہور، فیصل آباد، حیدرآباد اور کوئٹہ) کے 7 کیتھولک چرچز نے عطیہ کی ہے۔