وزیر خارجہ شاہ محمود قریشی کا جاپان کے شہر کیوٹو میں اینی میشن سٹوڈیو پر آتشزدگی کے دلخراش واقعہ پر اظہار افسوس

جمعہ 19 جولائی 2019 17:35

اسلام آباد ۔ (اُردو پوائنٹ اخبارتازہ ترین - اے پی پی۔ 19 جولائی2019ء) وزیر خارجہ شاہ محمود قریشی نے جاپان کے شہر کیوٹو میں اینی میشن سٹوڈیو پر ہونے والی آتشزدگی کے دلخراش واقعہ پر گہرے دکھ اور افسوس کا اظہار کیا ہے۔

(جاری ہے)

جمعہ کو اپنے ایک بیان میں وزیر خارجہ مخدوم شاہ محمود قریشی نے اس آتشزدگی کے نتیجہ میں ہونے والے جانی نقصان پر جاپان کی حکومت اور عوام سے تعزیت کی ہے۔ وزیر خارجہ نے اس المناک واقعہ میں زخمی ہونے والوں کی جلد صحت یابی کیلئے دعا کی۔ انہوں نے کہا کہ پاکستان کے عوام اور حکومت اس دکھ کی گھڑی میں اپنے جاپانی بہن بھائیوں کے ساتھ کھڑے ہیں۔