چکوال،قصبہ نین سکھ تھانہ نیلہ کے علاقے میں کھڑی فصل تباہ کرکے زمین پر قبضہ کرنے والے دو ملزمان کیخلاف مقدمہ درج

ہفتہ 3 اگست 2019 23:54

چکوال۔ (اُردو پوائنٹ اخبارتازہ ترین - اے پی پی۔ 03 اگست2019ء) قصبہ نین سکھ تھانہ نیلہ کے علاقے میں کھڑی فصل تباہ کردی گئی اور زمین پر قبضہ کرنے والے دو ملزمان کیخلاف مقدمہ درج کرلیاگیا۔

(جاری ہے)

ملک امیر محمد خان ولد احمد خان نے پولیس کو بتایا کہ ا س نے اپنی زمین نین سکھ کے رہائشی پرویز نامی شخص کو دی ہوئی تھی جس نے تارہ میرا کی فصل کاشت کی ہوئی تھی، ملزمان محمد افضل اور اس کے بھائی محمد شفیق پسران غلام حسن نے فصل کو تباہ کردیا اور جگہ پرقبضہ کرلیا۔ انہیں منع کیا تو جان سے مار دینے کی دھمکیاں دیں۔ سب انسپکٹر محمد اکرم نے مقدمہ درج کر کے ملزمان کی تلاش شروع کردی ہے۔